ہیٹی اچ گینگ حملے اچ 40 بندے ہلاک

پورٹ او پرنس۔25اگست (اے پی پی) کیریبیئن ملک ہیٹی دے دارالحکومت پورٹ او پرنس دے نیڑے واقع علاقے کینسکوف اچ گینگ دے حملے اچ 40 بندے ہلاک تھی ڳئن۔ شنہوا دے مطابق مسلح اتحاد ویو آنسانم نال وابستہ گینگ گزریل سویل علاقے اچ داخل تھئے، جتھاں انہاں درجناں گھراں تے حملہ کیتا اتے انہاں کوں باہ ݙے ݙتی۔ ہیٹی دی حکومت بیان اچ حملے دی مذمت کریندیں ہوئیں متاثرہ خانداناں نال یکجہتی دا اظہار کیتے۔ حکومت آکھیا جو او ثابت قدم اے، پچھوں نہ ہٹسی، سمجھوتہ نہ کریسی اتے پسپائی اختیار نہ کریسی۔ کینسکوف کوں کلھا نہ چھوڑیا ویسی۔ ہیٹی کوں جرائم پیشہ عناصر دے حوالے نہ کیتا ویسی۔ جمہوریت کامیاب تھیسی۔ واضح راہوے جو 2021ء اچ صدر جوونیل موئز دے قتل توں بعد ہیٹی کوں مسلسل وگڑدے ہوئے سکیورٹی بحران دا سامݨا اے۔ ایں قتل دے نتیجے اچ پیدا تھیوݨ آلے سیاسی خلا مسلح گینگز کوں آپݨے اثر و رسوخ اچ توسیع دا موقع ݙتا۔ اڄوکے تشدد نال ہیٹی اچ 13 دسمبر 2026ء کوں تھیوݨ آلے صدارتی تے قانون ساز انتخابات وی ٻئے پیچیدہ تھی سڳدن۔