آندے 24 گھنٹے ملک دے زیادہ تر میدانی علاقیں وچ موسم گرم تے مرطوب رہسی، محکمہ موسمیات

اسلام آباد۔25اگست (اے پی پی) آندے 24 گھنٹے ملک دے زیادہ تر میدانی علاقیں وچ موسم گرم تے مرطوب جݙاں جو شمالی علاقیں وچ مطلع جزوی طورتے ابرآلود رہسی۔محکمہ موسمیات موجب موجودہ صورتحال پاروں ملک دے زیادہ ترعلاقیں وچ براعظمی ہوائیں موجود ہن۔ کمزور مرطوب ہوائیں ملک دے جنوبی ادھے حصے وچ داخل تھیندیاں پئن۔گزریل 24 گھنٹے دے دوران ملک دے زیادہ ترعلاقیں وچ موسم گرم تے مرطوب ریہا تاں جو لاہور ایئرپورٹ تے قصور وچ 02 ملی میٹر مینھ وٹھا۔منگل کوں ریکارڈ کیتے ڳئے ودھ توں ودھ درجہ حرارت نوکنڈی، دالبندین وچ 43، بھکر، نور پور تھل تے دادو وچ 42 ڈگری سینٹی گریڈ ریکارڈ کیتا ڳئے۔