وزیرِداخلہ محسن نقوی دی بلوچستان سرانان وچ 5 مزدوراں دے قتل دی مذمت

اسلام آباد۔25اگست (اے پی پی) وفاقی وزیرِداخلہ محسن نقوی بلوچستان دے علاقے سرانان وچ 5 مزدوراں دے بہیمانہ قتل دی مذمت کریندے مقتولین دے لواحقین نال دلی ہمدردی تے پرچاوݨی ݙتی۔ آپݨے ہک بیان وچ وفاقی وزیرِ داخلہ آکھیا جو بے گناہ محنت کشاں کوں نشانہ بݨاوݨ درندگی دا انت اے، فتنۃ ہندوستان دے دہشت گرد بوکھلاہٹ دا شکار تھی تے سافٹ ٹارگٹس کوں نشانہ بݨیندے پئن۔ محسن نقوی واضح کیتا جو بے گناہ مزدوراں تے بزدلانہ حملہ بلوچستان وچ تعمیر و ترقی دے عمل کوں سبوتاژ کرݨ تے روزگار دے موقع روکݨ دی ناپاک سازش اے۔ انہاں آکھیا جو تعمیراتی کم وچ مصروف نہتے مزدوراں دا خون وہاوݨ آلے دہشت گرد سفاک درندے ہن تے ایجھے عناصر کہیں رعایت دے مستحق کائنی۔