پاکستانی کوہ پیما ڈاکٹر اسماء مشتاق دی میت دی ڳول کیتے ریسکیو آپریشن جاری اے، عطاء اللہ تارڑ

اسلام آباد۔26اگست (اے پی پی) وفاقی وزیر اطلاعات تے نشریات عطاء اللہ تارڑ آکھیا جو پاکستانی کوہ پیما ڈاکٹر اسماء مشتاق دی میت دی ڳول کیتے ریسکیو آپریشن جاری اے۔ بدھ کوں سماجی رابطے دے پلیٹ فارم ”ایکس“ تے آپݨے ہک بیان اچ اسپانتک ریسکیو ٹیم دی تازہ ترین پیشرفت دا ݙسیندیں ہوئیں وفاقی وزیر اطلاعات آکھیا جو ریسکیو ٹیم اوں ڄاہ تئیں پڄ ڳئی اے جتھاں پاکستانی کوہ پیما ڈاکٹر اسماء مشتاق دی میت ہووݨ دا شبہ اے، تاں جو اے علاقہ بہوں وسیع اے اتے گزریل ݙو ݙینہاں اچ تھیوݨ آلی شدید برف باری پاروں میت مکمل طور تے برف تلے دب ڳئی اے جیندے پاروں اونکوں تلاش کرݨ اچ دشواری پیش آندی پئی اے۔ انہاں آکھیا جو ریسکیو ٹیم گزریل ݙو گھنٹیاں توں میت دی تلاش اچ مصروف اے لیکن تاحال میت نئی مل سڳی۔ انہاں اکھیا جو ریسکیو آپریشن جاری اے۔