اسلام آباد۔27اگست (اے پی پی) وزیرِ اعظم محمد شہباز شریف پاکستان کیتے سعودی عرب دی مسلسل حمایت، فراخدلانہ معاونت تے خطے اچ امن تے استحکام دے فروغ کیتے کردار کوں سراہیے۔ وزیرِاعظم آفس دے میڈیا ونگ توں خمیس کوں جاری بیان دے مطابق پاکستان اچ سعودی عرب دے سفیر نواف بن سعید المالکی آپݨی سفارتی ذمہ واریاں دی تکمیل تے وزیرِ اعظم محمد شہباز شریف نال وزیرِ اعظم ہاؤس اچ …
وزیرِ اعظم شہباز شریف نال سعودی سفیر دی الوداعی ملاقات
مزید خبراں
اسلام آباد۔27اگست (اے پی پی) وزیرِ اعظم محمد شہباز شریف پاکستان کیتے سعودی عرب دی مسلسل حمایت، فراخدلانہ معاونت تے خطے اچ امن تے استحکام دے فروغ کیتے کردار کوں سراہیے۔ وزیرِاعظم آفس دے میڈیا ونگ توں خمیس کوں جاری بیان دے مطابق پاکستان اچ سعودی عرب دے سفیر نواف بن سعید المالکی آپݨی سفارتی ذمہ واریاں دی تکمیل تے وزیرِ اعظم محمد شہباز شریف نال وزیرِ اعظم ہاؤس اچ الوداعی ملاقات کیتی۔ وزیرِ اعظم سعودی سفیر کوں پاکستان اچ آپݨی سفارتی ذمہ واریاں کامیابی نال مکمل کرݨ تے مبارکباد ݙتی اتے پاکستان تے مملکتِ سعودی عرب وچال برادرانہ تے تزویراتی تعلقات دے ٻئے استحکام کیتے انہاں دی نمایاں خدمات کوں سراہیا۔ وزیرِ اعظم خادم الحرمین الشریفین شاہ سلمان بن عبدالعزیز آل سعود تے ولی عہد تے وزیرِ اعظم سعودی عرب شہزادہ محمد بن سلمان بن عبدالعزیز آل سعود دی صحت تے تندرستی کیتے نیک تمناواں دا اظہار کیتا۔ وزیرِ اعظم پاکستان کیتے سعودی عرب دی مسلسل حمایت تے فراخدلانہ معاونت کوں سراہندے ہوئیں خطے اچ امن تے استحکام دے فروغ کیتے سعودی عرب دے اہم کردار کوں سراہیا۔ سعودی سفیر نواف بن سعید المالکی آپݨی سفارتی ذمہ واریاں دے دوران پاکستان ولوں ملݨ آلی گرمجوشی، تعاون تے مہمان نوازی تے وزیرِ اعظم تے حکومتِ پاکستان دا تہہ دِلوں شکریہ ادا کیتا۔ انہاں پاکستان اچ آپݨے قیام کوں ہک یادگار تے خوشگوار تجربہ قرار ݙیندیں ہوئیں پاکستان تے سعودی عرب دے تعلقات کوں ٻیا مضبوط بݨاوݨ کیتے آپݨے ذاتی عزم دا اعادہ کیتا۔ وزیرِ اعظم سعودی سفیر کیتے انہاں دی مستقبل دی ذمہ واریاں اچ کامیابی کیتے نیک خواہشات دا اظہار کیتا۔
