اسلام آباد۔27اگست (اے پی پی) وفاقی وزیرِ مواصلات عبدالعلیم خان نال قطر دے شہزادے شیخ نائف بن عید آل ثانی اسلام آباد وچ اہم ملاقات کیتی، جیندے وچ سانجھی دلچسپی دے امور، ݙوطرفہ تعلقات تے مختلف شعبیں وچ سرمایہ کاری دے موقع تے تفصیلی ڳالھ مہاڑ کیتی ڳئی۔ ملاقات دے دوران ڳالھ کریندے وفاقی وزیرعبدالعلیم خان آکھیا جو پاکستان تے قطر وچال تکڑے مذہبی، ثقافتی تے تاریخی تعلقات ہن۔ قطر …
وفاقی وزیرعبدالعلیم خان نال قطری شہزادے شیخ نایف بن عید آل ثانی دی ملاقات
مزید خبراں
اسلام آباد۔27اگست (اے پی پی) وفاقی وزیرِ مواصلات عبدالعلیم خان نال قطر دے شہزادے شیخ نائف بن عید آل ثانی اسلام آباد وچ اہم ملاقات کیتی، جیندے وچ سانجھی دلچسپی دے امور، ݙوطرفہ تعلقات تے مختلف شعبیں وچ سرمایہ کاری دے موقع تے تفصیلی ڳالھ مہاڑ کیتی ڳئی۔ ملاقات دے دوران ڳالھ کریندے وفاقی وزیرعبدالعلیم خان آکھیا جو پاکستان تے قطر وچال تکڑے مذہبی، ثقافتی تے تاریخی تعلقات ہن۔ قطر وچ ہزاراں اوورسیز پاکستانی تعلیم تے روزگار دے شعبیں نال وابستہ تھی تے ݙوہیں ملکاں دی ترقی وچ کردار ادا کریندے پئن۔ انہاں قطری سرمایہ کاراں کوں پاکستان وچ موٹرویز تے شاہراہواں دی تعمیر تے توسیع کیتے “جوائنٹ وینچرز” دی پیشکش کریندے آکھیا جو حکومت قطر دی طرفوں ہرقسم دی سرمایہ کاری دا دِلوں خیر مقدم کریسی۔ عبدالعلیم خان آکھیا جو ݙو طرفہ تعاون تے مشترکہ کاروباری شراکت داری ݙوہیں بھرا ملکاں دے وسیع تر مفاد وچ اے۔ انہاں خطے وچ قطر دے فعال تے مثبت کردار دی تعریف کریندے آکھیے پاک ایران امن کوششاں وچ قطر دی شراکت کوں پاکستان قدر دی نگاہ نال ݙیکھدے۔ ایں موقع تے قطری شہزادے شیخ نائف بن عید آل ثانی پاکستان دے مختلف شعبیں وچ سرمایہ کاری تے دلچسپی ڳھدی۔ انہاں آکھیا جو قطر پاکستان دے نال آپݨے تعلقات کوں قدر دی نگاہ نال ݙیکھدے تے سانجھے تعاون دا اے سلسلہ مستقبل وچ وی بھرپور انداز وچ جاری رکھیا ویسی
