وکلاء برادری دے مسئلیں دے حل سانڳے بار ایسوسی ایشنز نال رابطہ مزید مؤثر بݨیسوں، اعظم نذیر تارڑ

اسلام آباد۔27اگست (اے پی پی) وفاقی وزیرِ قانون و انصاف سینیٹر اعظم نذیر تارڑ آکھیے جو وکلاء برادری دے مسئلیں دے حل تے انصاف دی مؤثر فراہمی کیتے بار ایسوسی ایشنز دے نال رابطے کوں مزید مؤثر بݨایا ویسی۔ ترجمان موجب وفاقی وزیرِ قانون نال گزریل ݙینھ مختلف بارایسوسی ایشنز دے عہدیداران تے وکلاء رہنماواں ملاقاتاں کیتیاں، جنھاں وچ وکلاء برادری دے پیشہ ورانہ امور تے بار ایسوسی ایشنز متعلق معاملات تے ڳالھ مہاڑ کیتی ڳئی۔ راولپنڈی ہائی کورٹ بار ایسوسی ایشن تے راولپنڈی ڈسٹرکٹ بار ایسوسی ایشن دے صدور تے عہدیداران وی وفاقی وزیرِ قانون نال ملاقات کیتی تے وکلاء کوں پیش آندے مسئلیں دا ݙسایا۔ ہائی کورٹ بار ایسوسی ایشن بہاولپور دی صدر، خانیوال ڈسٹرکٹ بارایسوسی ایشن، جہانیاں بار ایسوسی ایشن تے کبیر والا بار ایسوسی ایشن دے صدور تے عہدیداران وی وفاقی وزیرِ قانون نال ملاقاتاں کیتیاں۔ سینیٹراعظم نذیر تارڑ مختلف بار ایسوسی ایشنز دے نمائندیں دا خیرمقدم کیتا تے موثر انصاف ݙیوݨ تے قانونی نظام دی بہتری وچ وکلاء برادری دے کردار کوں اہم قرار ݙتا۔ ملاقاتاں وچ سانجھے رابطے تے قانونی شعبے وچ تعاون دے ودھارے دے عزم دا اظہار وی کیتا ڳیا