مسلم لیگ (ن) دے صدرمحمد نواز شریف بیرسٹر سید افتخارعلی گیلانی کوں آزاد جموں و کشمیر دی وزارتِ عظمیٰ کیتے امیدوار نامزد کرݙتا

اسلام آباد۔27اگست (اے پی پی) پاکستان مسلم لیگ (ن) دے صدر محمد نوازشریف بیرسٹر سید افتخارعلی گیلانی کوں آزاد جموں و کشمیر دی وزارتِ عظمیٰ کیتے آپݨا امیدوار نامزد کرݙتے۔ ایکس تے آپݨی پوسٹ وچ پنجاب دی سینئر وزیر مریم اورنگزیب آکھیے جو پاکستان مسلم لیگ (ن) دے صدر محمد نواز شریف بیرسٹر سید افتخارعلی گیلانی کوں آزاد جموں و کشمیر دے وزیرِاعظم دے منصب کیتے امیدوار نامزد کیتے۔ پاکستان مسلم لیگ (ن) دے صدر محمد نواز شریف بیرسٹر سید افتخارعلی گیلانی کوں آزاد جموں و کشمیر دی وزارتِ عظمیٰ دے عہدے تے انتخاب کیتے کاغذاتِ نامزدگی جمع کراوݨ دی ہدایت کیتی اے۔ واضح رہے جو بیرسٹر افتخار گیلانی عام انتخابات وچ مظفرآباد شہردی نشست تے کامیاب نہ تھی سڳئے ہن جنھاں کوں بعد وچ ٹیکنوکریٹ دی مخصوص نشست تے منتخب کیتا ڳیا ہئی، او آزاد کشمیر دے 17ویں وزیرِاعظم ہوسن جݙاں جو مخصوص نشستاں تے منتخب تھیوݨ آلے ݙوجھے وزیرِاعظم ہوسن۔ ایں توں پہلے سردار عبدالقیوم خان علماء و مشائخ دی نشست تے کامیاب تھی تے وزارتِ عظمیٰ دے منصب تے فائز رہ چکئن۔ ایں توں پہلے سیکرٹری قانون ساز اسمبلی دی طرفوں وزیرِاعظم دے انتخاب کیتے ترمیمی شیڈول جاری کیتا ڳئے جئیں موجب نویں وزیرِاعظم دا انتخاب 28 اگست بروز جمعہ ݙوپہر ݙو وڄے قانون ساز اسمبلی دی عمارت وچ تھیسی