اسلام آباد۔27اگست (اے پی پی) وفاقی وزیرِ بحری امور جنید انوار چوہدری پمز وچ بھاہ لڳݨ دے واقعے تے ݙکھ تے افسوس کریندے آکھیے اللہ تعالیٰ متاثرہ خانداناں کوں صبرِ جمیل عطا فرماوے۔ وزارت توں جاری پریس ریلیز موجب وفاقی وزیر وزارتِ بحری امور دے ماتحت سارےاداریں وچ فوری فائر سیفٹی آڈٹ دا حکم جاری کیتا۔ جنید انوار چوہدری آکھیے جو وزارتِ بحری امور دے سارے ادارے 15 ݙینھ وچ …
وفاقی وزیرِ بحری امور دا پمز وچ بھاہ لڳݨ دے واقعے تے اظہارِ افسوس
مزید خبراں
اسلام آباد۔27اگست (اے پی پی) وفاقی وزیرِ بحری امور جنید انوار چوہدری پمز وچ بھاہ لڳݨ دے واقعے تے ݙکھ تے افسوس کریندے آکھیے اللہ تعالیٰ متاثرہ خانداناں کوں صبرِ جمیل عطا فرماوے۔ وزارت توں جاری پریس ریلیز موجب وفاقی وزیر وزارتِ بحری امور دے ماتحت سارےاداریں وچ فوری فائر سیفٹی آڈٹ دا حکم جاری کیتا۔ جنید انوار چوہدری آکھیے جو وزارتِ بحری امور دے سارے ادارے 15 ݙینھ وچ ہرعمارت دی آڈٹ رپورٹ جمع کراون تے دفتر، ہسپتالاں، رہائشی عمارتاں تے گوداماں دا فائر سیفٹی آڈٹ مکمل کیتا ونڄے۔ وفاقی وزیر آکھیا جو کراچی پورٹ ٹرسٹ ہسپتال دے فائر سیفٹی آڈٹ کوں خصوصی ترجیح ݙتی ونڄے۔ انہاں مزید آکھیے جو فائر الارمز، دھوئیں دے ڈیٹیکٹرز تے سپرنکلرز دی کارکردگی جانچی ونڄے تے بجلی دی وائرنگ تے ٻئی ممکنہ بھاہ لڳݨ دے خطرات دا جائزہ ڳھدا ونڄے۔ جنید انوار چوہدری آکھیا جو ہنگامی رستے، سیڑھیاں تے فائر ایگزٹس رکاوٹاں توں پاک رکھیے ونڄن تے خراب فائر فائٹنگ آلات دی وقتی تبدیلی یقینی بݨائی ونڄے
