وفاقی وزیر اقتصادی امور احد چیمہ نال اے ڈی بی دے نائب صدر دی ملاقات

اسلام آباد۔ 02 ستمبر(اے پی پی)پاکستان اتے ایشیائی ترقیاتی بینک (اے ڈی بی) ایم ایل ون سودھا اہم قومی ترقیاتی منصوبیاں تے عملدرآمد تیز کرݨ، نجی شعبے دی شراکت اتے سرمایہ کاری ودھاوݨ، برآمدات تے مبنی پائیدار اقتصادی ترقی کیتے تعاون ٻیا ودھاوݨ تے اتفاق کیتے۔ ایشیائی ترقیاتی بینک (اے ڈی بی) دے جنوبی، وسطی تے مغربی ایشیا کیتے نائب صدر ینگ منگ یانگ وفاقی وزیر اقتصادی امور سینیٹر احد چیمہ نال مملین۔ ملاقات اچ سیکریٹری اقتصادی امور ڈویژن، اے ڈی بی دے ایگزیکٹو ڈائریکٹر اتے ݙوہائیں پاسوں اعلیٰ حکام شریک تھئین۔ وفاقی وزیر اقتصادی امور پاکستان دی اہم ترقیاتی ترجیحاں دے ودھارے اچ چھی ݙھاکیاں توں ودھ عرصے توں قابلِ اعتماد اتے موثر ترقیاتی شراکت دار دے طور تے اے ڈی بی دے کردار کوں سراہیا۔ اے ڈی بی دے نائب صدر ینگ منگ یانگ حکومت ولوں متعارف کروائیاں ونڄݨ والیاں پروجیکٹ ریڈینس اصلاحات کوں سراہیا۔ اے ڈی بی دے نائب صدر ریلوے دے ادارہ جاتی اصلاحات کیتے ہک مشترکہ ورکنگ گروپ قائم کرݨ دی تجویز وی ݙتی۔