اسلام آباد۔02 ستمبر(اے پی پی)عالمی شہرت یافتہ مصری قراء کرام پاکستان پڄ ڳئن، وفاقی وزیر مذہبی امور سردار محمد یوسف وزارت آمد تے مصری قراء کرام دا خیر مقدم کیتا۔ قاری ایوب عاصف، قاری طہٰ نعمانی، قاری ابراہیم عاصف، قاری ماہر الشناوی اتے قاری اسماعیل عاصف پاکستان پڄ ڳئن۔ ایں موقع تے وفاقی وزیر مذہبی امور سردار محمد یوسف آکھیا جو پاکستانی قوم قرآنِ کریم، قراء اتے خدامِ قرآن نال …
عالمی شہرت یافتہ مصری قراء کرام پاکستان پڄ ڳئن، وفاقی وزیر مذہبی امور دا خیر مقدم
اسلام آباد۔02 ستمبر(اے پی پی)عالمی شہرت یافتہ مصری قراء کرام پاکستان پڄ ڳئن، وفاقی وزیر مذہبی امور سردار محمد یوسف وزارت آمد تے مصری قراء کرام دا خیر مقدم کیتا۔ قاری ایوب عاصف، قاری طہٰ نعمانی، قاری ابراہیم عاصف، قاری ماہر الشناوی اتے قاری اسماعیل عاصف پاکستان پڄ ڳئن۔ ایں موقع تے وفاقی وزیر مذہبی امور سردار محمد یوسف آکھیا جو پاکستانی قوم قرآنِ کریم، قراء اتے خدامِ قرآن نال ڳاڑھی محبت اتے عقیدت رکھیندی اے، مصری قراء کرام دی پاکستان آمد اہل حاصلِ پاکستان کیتے موجبِ مسرت اتے اعزاز اے۔ سردار محمد یوسف اتے ٻئے شرکاء مصری قراء کرام توں انہاں دی دلنشیں آوازاں اچ تلاوتِ قرآنِ کریم سݨݨ دا شرف حاصل کیتا۔ وفاقی وزیر مذہبی امور آکھیا جو اہل حاصلِ پاکستان عالمی شہرت یافتہ مصری قراء کرام دی روح پرور تلاوت توں مستفید تھیسن، انہاں دی پاکستان آمد نال عوام کوں قرآنِ کریم دی خوبصورت تلاوت سݨݨ دا موقع ملسی۔ انہاں ݙسایا جو مصری قراء کرام 05 ستمبر کوں بعد نمازِ عصر فیصل مسجد اسلام آباد اچ عظیم الشان محفلِ حسنِ قرأت اچ شرکت کریسن۔ فیصل مسجد اچ محفلِ حسنِ قرأت عامۃ الناس کیتے کیتی ویسی۔ سردار محمد یوسف آکھیا جو اے اجتماع قرآنِ کریم دے پیغام، محبت اتے اسلامی اخوت دے ودھارے دا ذریعہ ٻݨسی۔
