وفاقی وزیر برائے منصوبہ بندی احسن اقبال دی نویں صوبیاں بارے بیان دی وضاحت

اسلام آباد۔ 05 ستمبر (اے پی پی) وفاقی وزیرِ منصوبہ بندی احسن اقبال آکھیا جو قومی ترقی دے عمل کوں تیز کرݨ کیتے اساکوں انسانی وسائل تے سماجی شعبیاں اچ نہایت تیز رفتاری نال آپݨی کمزوری تے قابو پاوݨ اے۔ انہاں شعبیاں اچ نمایاں بہتری دے بغیر اساݙی ترقی دے اہداف حاصل نہیں تھی سڳدے۔ وزارتِ منصوبہ بندی توں جاری وضاحتی بیان اچ وفاقی وزیر احسن اقبال آکھیا جو گزشتہ پندرہ سالاں دے دوران پاکستان دے اکثر سماجی تے انسانی وسائل دے اشاریئے مسلسل تنزلی دا شکار ہن ڄنہاں اچ نمایاں بہتری دے بغیر اساݙی ترقی دے اہداف حاصل نئی تھی سڳدے۔ اساݙی سماجی شعبے اچ ناقص کارکردگی دی وݙی وجہ 18ویں ترمیم دے بعد نچلی سطح تائیں اختیارات تے وسائل دی منتقلی نہ ہووݨ اتے صوبائی سطح تے اختیارات دی مرکزیت اے، قومی ترقی دے عمل کوں تیز کرݨ کیتے اساکوں انسانی وسائل تے سماجی شعبیاں اچ نہایت تیز رفتاری نال آپݨی کمزوری تے قابو پاوݨ اے۔ ایں حوالے نال ملک کنے ݙو آپشن ہن، پہلا آپشن 160 ضلعیاں اچ با اختیار مقامی حکومتاں قائم کرݨ ڄنہاں کوں صوبائی فنانس کمیشن توں براہ راست وسائل فراہم ہوون یا ول اتفاقِ رائے نال 12 یا 15 نویں صوبیاں دا قیام اے کیونکہ 26 کروڑ دی آبادی توں موجودہ انتظامی ڈھانچہ اوور لوڈ دا شکار تھی ڳئے۔ انہاں ٻیا آکھیا جو 160 ضلعی حکومتاں بݨاوݨ وقت دی اہم ضرورت اے تاکہ اختیارات زیادہ توں زیادہ تلویں سطح تے منتقل کیتے ونڄ سڳن تے پسماندہ علاقیاں اچ ترقی ممکن تھی سڳے۔