پاکستان اپریل 2027 اچ 14ویں ساؤتھ ایشین گیمز دی میزبانی کریسی، ترجمان دفترِ خارجہ

اسلام آباد۔ 10 ستمبر (اے پی پی) ترجمان دفترِ خارجہ آکھیا جو پاکستان 2027 اچ 14 ویں ساؤتھ ایشین گیمز دی میزبانی کریسی ڄہڑیاں 4 توں 11 اپریل تئیں تھیسن۔ ترجمان دفترِ خارجہ خمیس کوں اتھاں پریس بریفنگ اچ آکھیا جو اٹھ ݙیہاڑی کھیݙاں دے مقابلے اسلام آباد، پنجاب تے خیبر پختونخوا اچ کیتے ویسن۔ ایونٹ اچ 28 کھیݙاں دے مقابلے تھیسن ڄݙاں جو جنوبی ایشیا دے مختلف ملکاں توں 6 ہزار توں ودھ کھڈاری تے عہدیداران دی انہاں گیمز اچ شرکت متوقع اے۔