اسلام آباد۔ 10 ستمبر (اے پی پی) نائب وزیرِ اعظم اتے وزیرِ خارجہ سینیٹر محمد اسحاق ڈار ترکیہ دے وزیرِ خارجہ حاقان فیدان نال گزریل رات ٹیلی فون تے گفتگو کیتی۔ خمیس کوں دفترِ خارجہ توں جاری بیان دے مطابق ݙوہیں وزرائے خارجہ آپسی دلچسپی دے ݙوپاسہ تعلقات تے علاقائی صورتحال دا جائزہ گھدا۔ انہاں فلسطین دے معاملے تے آپݨے مشترکہ موقف دا اعادہ کریندیں ہوئیں غیر قانونی اسرائیلی وستیاں …
نائب وزیرِ اعظم سینیٹر محمد اسحاق ڈار دی ترک وزیرِ خارجہ نال ٹیلی فونک ڳالھ مہاڑ، ݙوپاسہ تعلقات تے علاقائی صورتحال بارے ڳالھ مہاڑ
مزید خبراں
اسلام آباد۔ 10 ستمبر (اے پی پی) نائب وزیرِ اعظم اتے وزیرِ خارجہ سینیٹر محمد اسحاق ڈار ترکیہ دے وزیرِ خارجہ حاقان فیدان نال گزریل رات ٹیلی فون تے گفتگو کیتی۔ خمیس کوں دفترِ خارجہ توں جاری بیان دے مطابق ݙوہیں وزرائے خارجہ آپسی دلچسپی دے ݙوپاسہ تعلقات تے علاقائی صورتحال دا جائزہ گھدا۔ انہاں فلسطین دے معاملے تے آپݨے مشترکہ موقف دا اعادہ کریندیں ہوئیں غیر قانونی اسرائیلی وستیاں توں درامدات تے پابندی تے ایہوجھیاں وستیاں نال جڑی خذمتاں تے پابندیاں لاوݨ دے برطانیہ دے فیصلے دے حوالے نال اٹھ عرب تے اسلامی ملکاں دے مشترکہ بیان دے نال نال برطانیہ تے ٻئے یورپی ملکاں دے ݙو ریاستی حل بارے مشترکہ بیان دی حمایت دا اظہار کیتا۔ ݙوہیں وزرائے خارجہ سعودی عرب تے مصر دے نال علاقائی معاملیاں تے قریبی مشاورت جاری رکھݨ دی اہمیت تے وی زور ݙتا ڄیندے اچ ریجنل فور (آر فور) فریم ورک دے ذریعے مشاورت وی شامل اے۔ ݙوہیں رہنماواں نیویارک اچ اقوامِ متحدہ دی جنرل اسمبلی دے آندے اجلاس دے موقع تے ملاقات کرݨ تے اتفاق کیتا۔
