اسلام آباد۔ 15 ستمبر(اے پی پی) وفاقی وزیرِ مذہبی امور و بین المذاہب ہم آہنگی سردار محمد یوسف نال جرمن کمشنر برائے مذہبی آزادی تھامس ریچل ملاقات کیتی۔ پاکستان اچ جرمنی دی سفیر اینا لیپل وی ملاقات اچ شریک ہن۔ ملاقات اچ پاک جرمن تعلقات، مذہبی آزادی، بین المذاہب ہم آہنگی، مذہبی رواداری تے اقلیتاں دے حقوق دے ودھارے سودھے سانجھی دلچسپی دے مختلف امور تے تفصیلی ڳالھ مہاڑ کیتی …
وفاقی وزیرِ مذہبی امورسردار محمد یوسف نال جرمن کمشنر برائے مذہبی آزادی دی ملاقات
اسلام آباد۔ 15 ستمبر(اے پی پی) وفاقی وزیرِ مذہبی امور و بین المذاہب ہم آہنگی سردار محمد یوسف نال جرمن کمشنر برائے مذہبی آزادی تھامس ریچل ملاقات کیتی۔ پاکستان اچ جرمنی دی سفیر اینا لیپل وی ملاقات اچ شریک ہن۔ ملاقات اچ پاک جرمن تعلقات، مذہبی آزادی، بین المذاہب ہم آہنگی، مذہبی رواداری تے اقلیتاں دے حقوق دے ودھارے سودھے سانجھی دلچسپی دے مختلف امور تے تفصیلی ڳالھ مہاڑ کیتی ڳئی۔ ایں موقع تے وفاقی وزیرسردار محمد یوسف آکھیا جو پاکستان بین المذاہب ہم آہنگی، مذہبی رواداری تے سارے مذاہب دے پیروکاراں دے حقوق دے تحفظ کیتے پرعزم اے۔ انہاں آکھیا جو پاکستان اچ وسݨ آلے سارے مذاہب تے اقلیتاں دے حقوق آئین دے تحت محفوظ ہن تے حکومت انہاں دے مذہبی، سماجی تے معاشرتی حقوق دے تحفظ کیتے عملی اقدامات کریندی پئی اے۔ سردار محمد یوسف آکھیا جو پاکستان اچ وسݨ آلی غیر مسلم آبادی دے اہم مذہبی تہواراں کوں سرکاری سطح تے منایا ویندے۔ فریقین ایں امر تے وی زور ݙتا جو مذاہب وچال مکالمے تے سانجھے احترام کوں ودھارا ݙے تے معاشریں اچ امن، برداشت تے ہم آہنگی کوں مزید مستحکم کیتا ونڄ سڳدے۔
