لاہور۔ 15 ستمبر (اے پی پی) لاہور سودھے پنجاب دے ٻہوں سارے علاقیں اچ آندے چووی گھنٹے اچ کھمݨ گاجاں نال مینھ وسݨ دا امکان اے تاں جو ٻئے علاقیں وچ موسم گرم تے رُکھا رہسی۔ ترجمان محکمہ موسمیات موجب صوبے دے اکثراضلاع وچ موسم جھڑ آلا رہسی ایں توں انڄ مری، گلیات، جہلم، راولپنڈی، اٹک، چکوال، چنیوٹ، شیخوپورہ، گوجرانوالہ، گجرات، نارووال، قصور، اوکاڑہ، خوشاب، سرگودھا، میانوالی، فیصل آباد، لاہور، …
لاہورسودھے پنجاب دے شہراں اچ مینھ وسݨ دا امکان
لاہور۔ 15 ستمبر (اے پی پی) لاہور سودھے پنجاب دے ٻہوں سارے علاقیں اچ آندے چووی گھنٹے اچ کھمݨ گاجاں نال مینھ وسݨ دا امکان اے تاں جو ٻئے علاقیں وچ موسم گرم تے رُکھا رہسی۔ ترجمان محکمہ موسمیات موجب صوبے دے اکثراضلاع وچ موسم جھڑ آلا رہسی ایں توں انڄ مری، گلیات، جہلم، راولپنڈی، اٹک، چکوال، چنیوٹ، شیخوپورہ، گوجرانوالہ، گجرات، نارووال، قصور، اوکاڑہ، خوشاب، سرگودھا، میانوالی، فیصل آباد، لاہور، ملتان، بھکر، نورپور تھل، لیہ، تونسہ، راجن پور، دیرہ غازی خان، بہاولنگر، بہاولپور تے نیڑے علاقیں اچ اندھاری گھلݨ تے کھمݨ گاجاں نال مینھ وسݨ دا امکان اے ۔ ایں دوران کجھ جہیں تے زور دا مینھ تے ژالہ باری وی تھی سڳدی اے ۔گزریل چووی گھنٹے اچ پنجاب دے ٻہوں سارے علاقیں اچ مینھ وٹھا ، تاں جو ٻئے علاقیں وچ موسم گرم تے مرطوب ریہا۔ گزریل ݙینھ شہر دا گھٹ توں گھٹ درجہ حرارت 25 تے زیادہ توں زیادہ 33 سینٹی گریڈ ریہا۔
