اسلام آباد۔ 15 ستمبر(اے پی پی)نائب وزیرِ اعظم/وزیرِ خارجہ سینیٹر محمد اسحاق ڈار لبنان دی خودمختاری، اتحاد تے علاقائی سالمیت کیتے پاکستان دی غیر متزلزل حمایت دا عزم دوہرائے۔ لبنان دے وزیر داخلہ احمد الحجار اسلام آباد اچ وزارتِ خارجہ دا دورہ کیتے جتھاں نائب وزیرِ اعظم و وزیرِ خارجہ اسحاق ڈار انہاں دا استقبال کیتے۔ ایں موقع وزیر داخلہ محسن نقوی، وزیرِ مملکت طلال چوہدری اتے وزارتِ خارجہ دے …
نائب وزیرِ اعظم سینیٹر محمد اسحاق ڈار نال لبنان دے وزیرِ داخلہ احمد الحجار دی ملاقات
اسلام آباد۔ 15 ستمبر(اے پی پی)نائب وزیرِ اعظم/وزیرِ خارجہ سینیٹر محمد اسحاق ڈار لبنان دی خودمختاری، اتحاد تے علاقائی سالمیت کیتے پاکستان دی غیر متزلزل حمایت دا عزم دوہرائے۔ لبنان دے وزیر داخلہ احمد الحجار اسلام آباد اچ وزارتِ خارجہ دا دورہ کیتے جتھاں نائب وزیرِ اعظم و وزیرِ خارجہ اسحاق ڈار انہاں دا استقبال کیتے۔ ایں موقع وزیر داخلہ محسن نقوی، وزیرِ مملکت طلال چوہدری اتے وزارتِ خارجہ دے سینئر افسران وی موجود ہن۔ نائب وزیرِ اعظم و وزیرِ خارجہ قانون نافذ کرݨ والے اداریاں اچ تعاون اتے عوام توں عوام دے رابطیاں سودھا ݙو طرفہ تعلقات کوں ٻیا مضبوط بݨاوݨ دا آکھیا۔ ݙوہائیں وزراء پاکستان-لبنان تعلقات اتے قانون نافذ کرݨ اچ تعاون تے الایا اتے سزا یافتہ لوکاں دی منتقلی دے معاہدے تے دستخط کوں ݙو طرفہ قانونی تعاون اچ ہک اہم سنگِ میل قرار ݙیندے معاہدے دا خیر مقدم کیتے۔ انہاں باہمی دلچسپی دے علاقائی اتے بین الاقوامی پیشرفت تے وی ڳالھ مہاڑ کیتی۔ لبنان دے وزیر احمد الحجار علاقائی امن اتے استحکام دے ودھارے اچ پاکستان دے تعمیری کردار کوں سراہیا اتے مکہ مشترکہ دفاعی معاہدے تے دستخط تے پاکستان کوں مبارکباد ݙتی۔ ݙوہائیں رہنماواں باہمی دلچسپی دے شعبیاں اچ ݙو طرفہ تعاون کوں ٻیا ودھاوݨ دا آکھیا۔
