نیویارک۔25 ستمبر (اے پی پی) وزیراعظم محمد شہباز شریف پاکستان نال پراݨے دوستانہ تے مثبت تعلقات کوں مستحکم رکھݨ کیتے پرنس رحیم آغا خان دے عزم دی تعریف کریندے امن، استحکام تے ترقی دے سانجھے مقصد کیتے نیڑے تعاون جاری رکھݨ دے عزم دا اعادہ کیتے، پاکستان دی سماجی و اقتصادی ترقی اچ بالخصوص اسماعیلی برادری دیاں خدمات قابلِ تحسین ہن، معاشرے کیتے خدمت تے شہری شمولیت دی ایں قابلِ …
وزیراعظم محمد شہباز شریف دی پرنس رحیم آغا خان پنجم نال ملاقات، تعاون جاری رکھݨ دے عزم دا اعادہ
مزید خبراں
نیویارک۔25 ستمبر (اے پی پی) وزیراعظم محمد شہباز شریف پاکستان نال پراݨے دوستانہ تے مثبت تعلقات کوں مستحکم رکھݨ کیتے پرنس رحیم آغا خان دے عزم دی تعریف کریندے امن، استحکام تے ترقی دے سانجھے مقصد کیتے نیڑے تعاون جاری رکھݨ دے عزم دا اعادہ کیتے، پاکستان دی سماجی و اقتصادی ترقی اچ بالخصوص اسماعیلی برادری دیاں خدمات قابلِ تحسین ہن، معاشرے کیتے خدمت تے شہری شمولیت دی ایں قابلِ قدر روایت دی تعریف کریندوں ۔ وزیراعظم دفتر دے میڈیا ونگ توں جاری پریس ریلیز موجب وزیراعظم محمد شہباز شریف نیویارک اچ اقوام متحدہ دی جنرل اسمبلی دے 81ویں اجلاس دے موقع تے پرنس رحیم آغا خان پنجم نال ملاقات کیتی۔ وزیراعظم پرنس رحیم آغا خان پنجم دا پرتپاک خیرمقدم کیتا تے اڄوکے سال دے اوائل اچ آغا خان دے دورہِ پاکستان دے دوران تھیوݨ آلی اپݨی ملاقات کوں یاد کیتا۔وزیراعظم پاکستان دے نال پراݨے دوستانہ تے مثبت تعلقات کوں مستحکم رکھݨ کیتے پرنس رحیم آغا خان دے عزم دی تعریف کریندے امن، استحکام تے ترقی دے سانجھے مقصد کیتے انہاں دے نال نیڑے تعاون جاری رکھݨ دے عزم دا اعادہ کیتا۔ وزیراعظم پاکستان دی سماجی و اقتصادی ترقی اچ بالخصوص اسماعیلی برادری دیاں خدمات دی تعریف کیتی تے معاشرے کیتے خدمت تے شہری شمولیت دی ایں دی قابلِ قدر روایت کوں اجاگر کیتا۔وزیراعظم اے-کے-ڈی-این نال وابستہ اداریں دی مالیاتی شمولیت، سیاحت دے ودھارے، ثقافتی ورثے دے تحفظ تے مقامی آبادی دی شمولیت نال معاشی خودمختاری دے ودھارے کیتے ٻہوں ساری خدمات دی وی تعریف کیتی۔ وزیراعظم انہاں شعبیں اچ مزید تعاون دے وسیع امکانات توں بھرپور فیدہ چاوݨ دی اہمیت تے زور ݙتا تاں جو پاکستان اچ پائیدار تے جامع ترقی کوں ودھارا ݙتا ونڄ سڳے۔پرنس رحیم آغا خان وزیراعظم دے جذبات تے اظہارِ تشکر کیتا تے ایہو جیھے حالات اچ، ڄݙاں پورا خطہ جنگ دی وکیڑ اچ اے، علاقائی امن و استحکام کیتے وزیراعظم دیاں کوششاں کوں خراجِ تحسین پیش کیتا۔ پرنس رحیم آغا خان پاکستان تے اے-کے-ڈی-این دے وچال پراݨی شراکت داری کوں مزید مستحکم کرݨ دے عزم دا اعادہ کیتا۔ انہاں پاکستان دے عوام دی فلاح و بہبود کیتے انسانی ترقی دے مختلف شعبیں بالخصوص صحت، تعلیم، موسمیاتی تبدیلیاں دے اثرات نال نبڑݨ دی صلاحیت تے پائیدار سماجی و اقتصادی ترقی اچ تعاون کوں جاری رکھݨ تے وسعت ݙیوݨ دی خواہش دا وی اظہار کیتا۔ وزیراعظم پرنس رحیم آغا خان کوں پاکستان دے باقاعدگی نال دورے کرݨ دی دعوت ݙتی تاں جو کئی ݙہاکیں توں قائم دوستی تے تعاون دے رشتیں کوں مزید تکڑا کیتا ونڄ سڳے۔
