نائب وزیراعظم محمد اسحاق ڈار دی اڳواݨی اچ فیول سبسڈی بارے قومی سٹیئرنگ کمیٹی دا اجلاس

اسلام آباد۔29 ستمبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار وزیراعظم دی خصوصی فیول ریلیف سکیم دی کامیابی کوں سراہندے آکھیے جو اے کامیابی حکومت دے سارے اداریاں دی ہکو سویاں کوششاں دا ݙسیندی اے۔ اے ڳالھ انہاں اڄ نیویارک توں ولݨ تے وزیراعظم دی خصوصی فیول ریلیف سکیم تے عملدرآمد دا جائزہ گھنݨ کیتے فیول سبسڈی بارے قومی سٹیئرنگ کمیٹی دے اجلاس دی صدارت کیتی۔ کمیٹی رجسٹریشن، ٹوکن دے استعمال، ادائیگیاں اتے شکایتاں دے ازالے بارے پیشرفت دا جائزہ گھدا۔ کمیٹی کوں ݙسایا ڳیا جو ہݨ تئیں تقریباً 76 لکھ رجسٹریشناں کامیابی نال مکمل تھی چکین اتے ٹوکن دے استعمال دا عمل ٻئے ہفتے اچ داخل تھی ڳئے، ہݨ تئیں 77 لکھ 10 ہزار ٹوکنز استعمال کیتے ونڄ چکین۔ نائب وزیراعظم سینیٹر محمد اسحاق ڈار سکیم دی کامیابی کوں سراہیا اتے زور ݙتا جو اے حکومت دے سارے اداریاں دی مشترکہ کوشش دی عکاسی کریندی اے ڄیندے اچ وزارتِ انفارمیشن ٹیکنالوجی و ٹیلی کام، وزارتِ اطلاعات و نشریات، وزارتِ پٹرولیم، اوگرا، سٹیٹ بینک آف پاکستان اتے صوبیاں مشترکہ کوششاں کیتن۔ نائب وزیراعظم و وزیرِ خارجہ مستحقین کوں سہولت ݙیوݨ اتے ملک بھر اچ خدمات دی بلا تعطل فراہمی کیتے مسلسل رابطہ کاری تے زور ݙتا۔ اجلاس اچ وفاقی وزرائے انفارمیشن ٹیکنالوجی و ٹیلی کمیونیکیشن تے اطلاعات و نشریات، وزیراعظم دے معاونِ خصوصی طارق باجوہ، وفاقی و صوبائی سیکرٹریز اتے سٹیٹ بینک آف پاکستان، اوگرا، این آئی ٹی بی اتے پی ڈی اے دے حکام شرکت کیتی۔