نائب وزیراعظم اسحاق ڈار دی زیرِ صدارت پاکستان دی خارجہ پالیسی دے منظرنامے، جاری سفارتی روابط بارے جائزہ اجلاس

اسلام آباد۔29 ستمبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت وزارتِ خارجہ اچ اجلاس تھئے۔ اجلاس اچ پاکستان دی خارجہ پالیسی دے منظرنامے اتے جاری سفارتی روابط دا جائزہ گھدا ڳیا۔ اجلاس اچ خطے دی بدلدی صورتحال اتے آئندہ سفارتی روابط تے غور کیتا ڳیا۔ ایں موقع تے نائب وزیراعظم و وزیرِ خارجہ آئندہ دے لائحہ عمل دے حوالے نال الیندے قریبی رابطہ کاری اتے ویلھے سر اقدامات تے زور ݙتا۔ اجلاس اچ قائم مقام سیکرٹری خارجہ سفیر خلیل ہاشمی اتے وزارتِ خارجہ دے سینئر حکام شرکت کیتی۔