لندن۔29 ستمبر (اے پی پی)وزیراعظم محمد شہباز شریف پاکستان اچ غیر ملکی سرمایہ کاری کیتے پرکشش مواقعاں توں فیدہ چاوݨ تے زور ݙیندے آکھیے ڄیکر خلیجی بحران پیدا نہ تھیندا تاں اساں وی ٻیاں ابھردی ہوئیاں معیشتاں وانگوں تیزی نال ترقی کریندے پئے ہووں ہا۔ انہان اے ڳالھ لندن سٹاک ایکسچینج دی مارکیٹ اوپن تقریب اچ شرکت اچ آکھی۔ شهباز شریف پاکستان دے پہلے وزیراعظم ہن ڄنہاں کوں لندن سٹاک …
وزیراعظم شہباز شریف دی لندن سٹاک ایکسچینج دی مارکیٹ اوپن تقریب اچ شرکت، او سٹاک ایکسچینج ٹریڈنگ اوپننگ دا اعزاز حاصل کرݨ والے پہلے پاکستانی وزیراعظم بݨ ڳئے
مزید خبراں
لندن۔29 ستمبر (اے پی پی)وزیراعظم محمد شہباز شریف پاکستان اچ غیر ملکی سرمایہ کاری کیتے پرکشش مواقعاں توں فیدہ چاوݨ تے زور ݙیندے آکھیے ڄیکر خلیجی بحران پیدا نہ تھیندا تاں اساں وی ٻیاں ابھردی ہوئیاں معیشتاں وانگوں تیزی نال ترقی کریندے پئے ہووں ہا۔ انہان اے ڳالھ لندن سٹاک ایکسچینج دی مارکیٹ اوپن تقریب اچ شرکت اچ آکھی۔ شهباز شریف پاکستان دے پہلے وزیراعظم ہن ڄنہاں کوں لندن سٹاک ایکسچینج ٹریڈنگ اوپننگ دا اعزاز حاصل ملیے۔ لندن سٹاک ایکسچینج آمد تے لندن سٹاک ایکسچینج گروپ دے چیف ایگزیکٹو آفیسر ڈیوڈ شوئمر تے سینئر حکام وزیراعظم دا استقبال کیتا۔ ایں موقع تے پاکستان دے 3 ارب ڈالر دے Dual Tranche یورو بانڈز لسٹنگ دی وی تقریبِ رونمائی تھئی۔ تقریب نال خطاب کریندے ہوئیں وزیراعظم محمد شہباز شریف آکھیا جو لندن سٹاک ایکسچینج دی ایں تقریب دا افتتاح کرݨ میݙے کیتے باعثِ مسرت تے اعزاز اے، اے تقریب یقیناً پاکستان دی معیشت کوں مزید مضبوط بݨاوݨ اچ معاون ثابت تھیسی، اساں اپݨے معاشی اشاریاں کوں نمایاں طور تے بہتر کیتے ڄیڑھے مستقبل کیتے ݙاݙھے حوصلہ افزا ہین۔ انہاں آکھیا جو حالیہ ݙینہاں اچ وزیرِ خزانہ اتے انہاں دی ٹیم ولوں ترائے ارب ڈالر مالیت دے یورو بانڈز تے خودمختار قرضیاں دے انتظام دی کامیابی ایںدی واضح مثال اے۔
