اسلام آباد۔1 اکتوبر(اے پی پی) وفاقی وزیر انسانی حقوق سینیٹر اعظم نذیر تارڑ آکھیے جو بزرگاں دا احترام اساݙی ثقافتی تے مذہبی اقدار دا بنیادی حصہ اے تے بحیثیت معاشرہ انہاں اقدار دی پاسداری اساݙی مشترکہ ذمہ واری اے۔ جاری پیغام اچ وفاقی وزیراعظم نذیر تارڑ آکھیے جو معمر لوکاں دے عالمی ݙینھ دے موقع تے اساں اپݨے بزرگ شہریاں کوں خراجِ تحسین پیش کریندوں، جنہاں دی بصیرت، تجربہ تے …
بزرگاں دا احترام اساݙی ثقافتی تے مذہبی اقدار دا بنیادی حصہ اے، وفاقی وزیر انسانی حقوق اعظم نذیر تارڑ
مزید خبراں
اسلام آباد۔1 اکتوبر(اے پی پی) وفاقی وزیر انسانی حقوق سینیٹر اعظم نذیر تارڑ آکھیے جو بزرگاں دا احترام اساݙی ثقافتی تے مذہبی اقدار دا بنیادی حصہ اے تے بحیثیت معاشرہ انہاں اقدار دی پاسداری اساݙی مشترکہ ذمہ واری اے۔ جاری پیغام اچ وفاقی وزیراعظم نذیر تارڑ آکھیے جو معمر لوکاں دے عالمی ݙینھ دے موقع تے اساں اپݨے بزرگ شہریاں کوں خراجِ تحسین پیش کریندوں، جنہاں دی بصیرت، تجربہ تے زندگی دی خدمات اساݙے خانداناں تے معاشرے کیتے قیمتی اثاثہ ہن۔ حکومتِ پاکستان معمر لوکاں دے حقوق، وقار تے فلاح و بہبود دے تحفظ تے ایہوجیھے ماحول دے ودھارے کیتے پرعزم اے جتھاں او تحفظ، نگہداشت تے احترام دے نال عمر گزار سڳن۔ ایں حوالے نال اسلام آباد کیپٹل ٹیریٹری سینئر سٹیزنز ایکٹ 2021 ہک اہم قانونی فریم ورک ݙیندے۔ اعظم نذیر تارڑ آکھیا جو اساݙی ذمہ واری صرف قانون سازی تئیں محدود کائنی۔ خانداناں، معاشرے، سرکاری اداریں تے سول سوسائٹی کوں رل تے ایں ڳالھ کوں یقینی بݨاوݨا ہوسی جو معمرلوک معاشرے اچ قدر تے احترام، معاونت تے شمولیت دے نال زندگی بسر کرن۔ انہاں دے وقار، فلاح و بہبود تے باعزت زندگی گزارݨ دے حق دا تحفظ اساں ساریں دی مشترکہ ترجیح ہووݨی چاہیدی اے۔
