زرِ مبادلہ دے ذخیرے اچ بہتری حکومت دی معاشی پالیسیاں، مالی نظم و ضبط تے ٻاہرلے شعبے دے بہتر انتظام دا نتیجہ اے، ڈاکٹر طارق فضل چوہدری

اسلام آباد۔1 اکتوبر (اے پی پی) وفاقی وزیرپارلیمانی امور ڈاکٹر طارق فضل چوہدری آکھیے جو زرِ مبادلہ دے ذخیرے اچ بہتری حکومت دی معاشی پالیسیاں، مالی نظم و ضبط تے ٻاہرلے شعبے دے بہتر انتظام دا نتیجہ اے۔ سوشل میڈیا پلیٹ فارم ایکس تے ہک بیان اچ انہاں آکھیا جو ستمبر 2026 اچ پاکستان دے زرِ مبادلہ دے مجموعی ذخیرے تقریباً 26.8 ارب ڈالر تئیں پڄ ڳئے، سٹیٹ بینک دے ذخیرے 21.4 ارب ڈالر توں تجاوز کرچکئن، اے اضافہ معاشی استحکام دے پاسے اہم پیش رفت اے۔ انہاں آکھیا جو وزیراعظم محمد شہباز شریف تے معاشی ٹیم ملک کوں معاشی استحکام دی پاسے ولدا گھن آوݨ کیتے اوکھے فیصلے کیتے۔ انہاں دا آکھݨ ہئی جو پاکستان دے پاسے ماضی دے مقابلے اچ کتھائیں ودھ مضبوط زرِمبادلہ بفرموجود اے، وزیراعظم تے معاشی ٹیم پاکستان کوں ڈیفالٹ دے خدشات توں کڈھ تے استحکام دی پاسے گامزن کیتا، پاکستان معاشی استحکام دی پاسے درست سمت اچ اڳوں ودھدا پئے۔ انہاں ایں توقع دا اظہار کیتا جو انشاء اللہ پاکستان دی معیشت مستحکم تھیسی تے ملک اڳوں ودھسی۔