وزیراعظم محمد شہباز شریف دا شمالی وزیرستان اچ 7 خوارج جہنم واصل کرݨ تے سیکیورٹی فورسز کوں خراجِ تحسین

اسلام آباد۔2 اکتوبر (اے پی پی) وزیراعظم محمد شہباز شریف شمالی وزیرستان دے علاقے عیدک اچ انٹیلی جنس بیسڈ آپریشن اچ 7 خوارج جہنم واصل کرݨ تے سیکیورٹی فورسز کوں خراجِ تحسین پیش کریندے آکھیے جو دہشت گرداں دے خلاف منظم کارروائیاں سیکیورٹی فورسز دی پیشہ ورانہ مہارت تے اساݙے قومی عزم دی عکاس ہن، سیکیورٹی فورسز کارروائی اچ فتنۃ الخوارج دہشت گرداں دے ٹھکاݨیں کوں وی تباہ کیتا جیڑھا لائقِ تحسین اے۔وزیراعظم دفتر دے میڈیا ونگ موجب وزیراعظم آکھیا جو سیکیورٹی فورسز تے قانون نافذ کرݨ آلے اداریں دے افسراں تے جواناں دی شاندار کارکردگی ملکی امن و سلامتی دی ضامن اے، فتنۃ الخوارج دے دہشت گرداں دے ناپاک عزائم کوں مٹی اچ رلاوݨ کیتے پوری قوم سیکیورٹی فورسز دے رَلے کھڑی اے۔ وزیراعظم آکھیا جو سارے دہشت گرد عناصر دے خاتمے تئیں سیکیورٹی فورسز دیاں بھرپور کارروائیاں جاری رہسن، پوری قوم اپݨے بہادر مسلح افواج تے ماݨ کریندی اے۔