اسلام آباد۔2 اکتوبر(اے پی پی)وزیراعظم محمد شہباز شریف آکھیے جو کاروباری سرگرمیاں اچ سوکھ اتے سرمایہ کاری ودھاوݨ کیتے ریگولیٹری اصلاحات ضروری ہین، حکومت کاروباری طبقے کوں سہولتاں ݙیوݨ اتے غیر ضروری ضابطہ کاری ودھ اقدامات کریندی پئی اے۔ انہاں اے ڳالھ اسلام آباد اچ ریگولیٹری اصلاحات بارے اجلاس دی اڳواݨی کریندے آکھی۔ اجلاس اچ کاروباری سرگرمیاں اچ سوکھ، سرمایہ کاری ودھاوݨ اتے ریگولیٹری نظام کوں ودھ موثر، شفاف اتے …
وزیراعظم دی اڳواݨی اچ ریگولیٹری اصلاحات بارے اجلاس، کاروباری سرگرمیاں اچ سوکھ اتے سرمایہ کاری ودھاوݨ لو ریگولیٹری اصلاحات ضروری ہین، محمد شہباز شریف
مزید خبراں
اسلام آباد۔2 اکتوبر(اے پی پی)وزیراعظم محمد شہباز شریف آکھیے جو کاروباری سرگرمیاں اچ سوکھ اتے سرمایہ کاری ودھاوݨ کیتے ریگولیٹری اصلاحات ضروری ہین، حکومت کاروباری طبقے کوں سہولتاں ݙیوݨ اتے غیر ضروری ضابطہ کاری ودھ اقدامات کریندی پئی اے۔ انہاں اے ڳالھ اسلام آباد اچ ریگولیٹری اصلاحات بارے اجلاس دی اڳواݨی کریندے آکھی۔ اجلاس اچ کاروباری سرگرمیاں اچ سوکھ، سرمایہ کاری ودھاوݨ اتے ریگولیٹری نظام کوں ودھ موثر، شفاف اتے کاروبار دوست بݨاوݨ دے اقدامات دا جائزہ ڳھدا ڳیا۔ وزیراعظم آکھیا جو ڈرگ ریگولیٹری اتھارٹی آف پاکستان (ڈریپ) اچ اصلاحات کر تے ایکوں جدت ݙتی ڳئی اے، ایویں ہی ٻئے ریگولیٹری اداریاں اچ وی اصلاحات ڳھن آیاں ویسن۔ وزیراعظم ریگولیٹری رجسٹری ٻݨاوݨ دی ہدایت کریندے آکھیے جو کاروبار اچ سوکھ کیتے آسان کاروبار ایکٹ پورے ملک اچ نافذ کیتا ونڄے، ریگولیٹری اصلاحات دے اثرات اتے فیدیاں دا جائزہ گھنݨ کیتے انہاں اصلاحات دی تھرڈ پارٹی ویلیڈیشن کروائی ونڄے تاں جو اصلاحات دے عملی نتائج دا غیر جانبدارانہ جائزہ ڳھدا ونڄ سڳے۔ وزیراعظم آکھیا جو کاروبار اچ سوکھ، سرمایہ کاراں کوں سازگار کاروباری ماحول ݙتے بغیر ملکی و غیر ملکی سرمایہ کاری دے مطلوبہ اہداف پورے نئیں کیتے ونڄ سڳدے۔ وزیراعظم ہدایت کیتی جو خصوصی سرمایہ کاری سہولت کونسل (ایس آئی ایف سی) دیاں ریگولیٹری اصلاحات کوں موثر ٻݨیدے ہوئے ایس آئی ایف سی دا وفد سارے صوبیاں دا دورہ کرے اتے صوبائی حکومتاں کوں ریگولیٹری اصلاحات تے اعتماد اچ ڳھنے۔ وزیراعظم وزارتاں تے ڈویژناں کوں ہدایت کیتی جو او کابینہ ولوں منظور شدہ اصلاحات تے ویلھے سر عمل درآمد یقینی ٻݨاون۔ انہاں ایس آئی ایف سی اتے چیف سیکرٹری پنجاب کوں ہدایت کیتی جو او مارچ 2027ء تئیں ای-بز پنجاب اتے بی ایف سی اسلام آباد دے انضمام دا
عمل مکمل کرن۔ اجلاس کوں کاروبار اچ آسانی بارے حکومتی اقدامات تے بریفنگ ݙتی ڳئی۔ اجلاس اچ نائب وزیراعظم و وزیر خارجہ سینیٹر محمد اسحاق ڈار، وفاقی وزیر قانون و انصاف اعظم نذیر تارڑ، وفاقی وزیر موسمیاتی تبدیلی مصدق ملک، وفاقی وزیر اقتصادی امور احد خان چیمہ، وفاقی وزیر خزانہ و محصولات محمد اورنگزیب، وفاقی وزیر اطلاعات و نشریات عطاء اللہ تارڑ، وفاقی وزیر انفارمیشن ٹیکنالوجی و ٹیلی کام شزا فاطمہ، مشیر وزیراعظم برائے صنعت ہارون اختر، وزیر برائے خزانہ و ریلوے بلال اظہر کیانی اتے متعلقہ اعلیٰ سرکاری افسراں شرکت کیتی۔
