اسلام آباد۔4 اکتوبر(اے پی پی) صدرِمملکت آصف علی زرداری ڈیرہ اسماعیل خان اچ فتنہ الخوارج دے 8 دہشت گرداں کوں انٹیلی جنس بیسڈ کارروائی اچ جہنم واصل کرݨ تے سکیورٹی فورسز کوں خراجِ تحسین پیش کیتے۔ایوانِ صدر دے میڈیا ونگ توں جاری بیان موجب صدرِ مملکت آپریشن دے دوران بارا اسلحہ تے گولہ بارود قبضے اچ گھنݨ تے فتنہ الخوارج دے ترائے اہم سرغنہ دے خاتمے تے سکیورٹی اہلکاراں دی …
صدرِمملکت دا ڈیرہ اسماعیل خان اچ فتنہ الخوارج دے خلاف کارروائی تے سکیورٹی فورسز کوں خراجِ تحسین
اسلام آباد۔4 اکتوبر(اے پی پی) صدرِمملکت آصف علی زرداری ڈیرہ اسماعیل خان اچ فتنہ الخوارج دے 8 دہشت گرداں کوں انٹیلی جنس بیسڈ کارروائی اچ جہنم واصل کرݨ تے سکیورٹی فورسز کوں خراجِ تحسین پیش کیتے۔ایوانِ صدر دے میڈیا ونگ توں جاری بیان موجب صدرِ مملکت آپریشن دے دوران بارا اسلحہ تے گولہ بارود قبضے اچ گھنݨ تے فتنہ الخوارج دے ترائے اہم سرغنہ دے خاتمے تے سکیورٹی اہلکاراں دی بھرپور حوصلہ افزائی کیتی۔ صدرِمملکت آکھیا جو ٻاہرلی سرپرستی تے مقامی سہولت کارانہاں دی مدد نال سرگرمِ عمل دہشت گرداں دے ناپاک عزائم کوں ہرگز کامیاب نہ تھیوݨ ݙیسوں۔عزمِ استحکام وژن دے تحت فتنہ الخوارج دے خلاف کارروائیاں پوری طاقت نال جاری رکھیاں ویسن۔ صدر زرداری آکھیا جو ملک توں دہشت گردی دے منڈھوں خاتمے کیتے قومی عزم غیر متزلزل اے، پوری قوم سکیورٹی فورسز دے بہادر سپوتاں کوں ملکی امن تے سلامتی دی خاطر قربانی تے سلام پیش کریندی اے
