اسلام آباد۔4 اکتوبر(اے پی پی) وفاقی وزیرِمواصلات عبدالعلیم خان سماجی رابطے دی ویب سائٹ ایکس تے بیان اچ آندے مہینے توں سکھر حیدرآباد موٹروے ایم-6 دی تعمیر دے آغاز دی خوشخبری سݨا ݙتی اے۔ وفاقی وزیرعبدالعلیم خان آکھیا جو 30 سالاں توں التوا دا شکار موٹروے دی تعمیر شروع تھیوݨ ویندی پئی اے، اللہ تعالیٰ دا کرم اے جو ایم-6 جیھے تاریخی منصوبے کوں عملی شکل ݙیوݨ دا موقع ملدا …
سکھر حیدرآباد موٹروے دی تعمیر دا آغاز آندے مہینے تھیسی، وفاقی وزیرِ مواصلات عبدالعلیم خان
اسلام آباد۔4 اکتوبر(اے پی پی) وفاقی وزیرِمواصلات عبدالعلیم خان سماجی رابطے دی ویب سائٹ ایکس تے بیان اچ آندے مہینے توں سکھر حیدرآباد موٹروے ایم-6 دی تعمیر دے آغاز دی خوشخبری سݨا ݙتی اے۔ وفاقی وزیرعبدالعلیم خان آکھیا جو 30 سالاں توں التوا دا شکار موٹروے دی تعمیر شروع تھیوݨ ویندی پئی اے، اللہ تعالیٰ دا کرم اے جو ایم-6 جیھے تاریخی منصوبے کوں عملی شکل ݙیوݨ دا موقع ملدا پئے۔وفاقی وزیرِ مواصلات آکھیا جو ایم-6 موٹروے سندھ سودھے پورے پاکستان اچ تجارتی سرگرمیاں کوں نویں رفتار ݙیسی، موٹروے ایم-6 ملک دی معاشی ترقی تے علاقائی رابطیں دے ودھارے اچ اہم کردار ادا کریسی۔ وفاقی وزیر مزید آکھیا جو سکھر حیدرآباد موٹروے دی سنگِ بنیاد دی تقریب اچ صدرِمملکت تے بلاول بھٹو کوں خصوصی طور تے سݙیسوں۔ انہاں آکھیا جو وزیراعلیٰ سندھ تے صوبائی کابینہ دے معزز ارکان کوں وی ایں تقریب اچ شرکت دی دعوت ݙتی ویسی۔ وفاقی وزیرِ مواصلات آکھیا جو موٹروے ایم-6 منصوبہ سندھ تے پاکستان دی ترقی کیتے سنگِ میل ثابت تھیسی۔
