وزیراعظم محمد شہباز شریف دی ہدایت تے صومالیہ اچ جاں بحق تے زخمی پاکستانیاں دی وطن واپسی دے اقدامات

لاہور۔4 اکتوبر (اے پی پی) وزیراعظم محمد شہباز شریف دی ہدایت تے صومالیہ اچ جاں بحق تے زخمی تھئے پاکستانیاں دی بحفاظت وطن واپسی کیتے فوری اقدامات کیتے ڳئن، چار زخمی پاکستانی شہریاں عثمان غنی، عقیل خان، امین بن شمس تے یاسر خان کوں ایتھوپین ایئرلائنز دی پرواز ET-694 دے ذریعے کراچی روانہ کر ݙتا ڳئے۔وزیراعظم دفتر دے میڈیا ونگ توں جاری بیان موجب ترائے جاں بحق پاکستانیاں رفیع اللہ خان، سید کاشف عمر تے محمود احمد انصاری دے جسدِ خاکی وی ایں پرواز دے ذریعے کراچی پڄدے پئن۔ ایتھوپین ایئرلائنز دی پرواز ET-694 اڄ شام 4:40 وڄے پاکستان دے مقامی ویلھے موجب کراچی پُڄسی۔ ایتھوپیا اچ پاکستان دے سفیر عاطف عزیز تے جبوتی اچ پاکستان دی سفیر اقصیٰ نواز ادیس ابابا ایئرپورٹ تے زخمی پاکستانیاں تے میتاں کوں کراچی روانہ کیتا۔ وزیراعظم محمد شہباز شریف خود پاکستانی شہریاں دی وطن واپسی دے عمل دی مسلسل نگرانی کیتی۔