اسلام آباد۔6 اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار اقوامِ متحدہ دے سیکرٹری جنرل انتونیو گوتریس نال اسلام آباد اچ ملین۔ انہاں فلسطین، جموں و کشمیر، افغانستان سودھا علاقائی اتے عالمی امن و سلامتی دے امور، انسدادِ دہشتگردی اتے کثیرالجہتی نظام دے مستقبل تے ڳالھ مہاڑ کیتی۔ ملاقات اچ نائب وزیراعظم و وزیرِ خارجہ اقوامِ متحدہ دے سیکرٹری جنرل کوں جموں و کشمیر اتے سندھ طاس …
نائب وزیراعظم و وزیرِ خارجہ اسحاق ڈار اتے اقوامِ متحدہ دے سیکرٹری جنرل انتونیو گوتریس دی ملاقات
اسلام آباد۔6 اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار اقوامِ متحدہ دے سیکرٹری جنرل انتونیو گوتریس نال اسلام آباد اچ ملین۔ انہاں فلسطین، جموں و کشمیر، افغانستان سودھا علاقائی اتے عالمی امن و سلامتی دے امور، انسدادِ دہشتگردی اتے کثیرالجہتی نظام دے مستقبل تے ڳالھ مہاڑ کیتی۔ ملاقات اچ نائب وزیراعظم و وزیرِ خارجہ اقوامِ متحدہ دے سیکرٹری جنرل کوں جموں و کشمیر اتے سندھ طاس معاہدے تے پاکستان دا موقف ݙسایا اتے سلامتی کونسل دیاں متعلقہ قرارداداں دے مطابق تنازعۂ جموں و کشمیر دے منصفانہ اتے پرامن حل کیتے پاکستان دا مطالبہ دوہرایا۔ نائب وزیراعظم و وزیرِ خارجہ مذاکرات اتے کشیدگی اچ کمی کیتے پاکستان دی سفارتی کوششاں کوں اڳونہا کیتا، ڄنہاں اچ امریکا اتے ایران وچال اسلام آباد مذاکرات اچ پاکستان دی سہولت کاری وی شامل اے۔ انہاں تنازعات دے حل کیتے مذاکرات اتے سفارت کاری کوں موثر ترین ذریعہ قرار ݙیندے ایں سانڳے پاکستان دا عزم دوہرایا۔ اقوامِ متحدہ دے سیکرٹری جنرل عالمی ادارے کیتے پاکستان دیاں دیرینہ خدمات دے نال نال مذاکرات، ثالثی اتے کشیدگی اچ کمی ودھاوݨ کیتے پاکستان دی سفارتی کوششاں کوں سراہیا۔
