اسلام آباد۔8 اکتوبر(اے پی پی)صدرِ مملکت آصف علی زرداری نال جرمنی کیتے پاکستان دے نامزد سفیر سلمان شریف نال ایوانِ صدر اسلام آباد اچ ملین۔ صدر آکھیا جو پاکستان جرمنی نال اپݨے دیرینہ تعلقات کون ݙاݙھی اہمیت ݙیندے اتے 2026ء اچ سفارتی تعلقات دے قیام دی 75ویں سالڳراہ تے ݙوطرفہ تعاون کوں ودھ تکڑا اتے نتیجہ خیز ٻݨاوݨ چاہندے۔ انہاں ݙوطرفہ تجارت اتے کاروباری رابطے ودھاوݨ تے زور ݙیندے آکھیا …
صدر مملکت آصف علی زرداری دی جرمنی کیتے پاکستان دے نامزد سفیر سلمان شریف نال ملاقات
اسلام آباد۔8 اکتوبر(اے پی پی)صدرِ مملکت آصف علی زرداری نال جرمنی کیتے پاکستان دے نامزد سفیر سلمان شریف نال ایوانِ صدر اسلام آباد اچ ملین۔ صدر آکھیا جو پاکستان جرمنی نال اپݨے دیرینہ تعلقات کون ݙاݙھی اہمیت ݙیندے اتے 2026ء اچ سفارتی تعلقات دے قیام دی 75ویں سالڳراہ تے ݙوطرفہ تعاون کوں ودھ تکڑا اتے نتیجہ خیز ٻݨاوݨ چاہندے۔ انہاں ݙوطرفہ تجارت اتے کاروباری رابطے ودھاوݨ تے زور ݙیندے آکھیا جو جرمنی یورپی یونین اچ پاکستان دیاں برآمدات دی سب توں وݙی منڈی اے۔ صدرِ مملکت دفاعی تعاون جاری رکھݨ، پاکستان دی زیرِ التوا درخواستاں تے تیکھے مثبت غور اتے ہنرمند افرادی قوت دی آمدورفت بارے ودھ تعاون تے زور ݙتا۔ صدرِ مملکت امید کیتی جو جرمن چانسلر فریڈرک مرز دا ممکنہ دورہ پاکستان باہمی طور تے موزوں تاریخ تے تھیسی۔ صدرِ مملکت سلمان شریف کوں نویاں ذمہ داری سنبھالݨ تے مبارکباد ݙتی۔ ملاقات اچ سینیٹر شیری رحمان، سینیٹر سلیم مانڈوی والا تے سابق وفاقی وزیر سید نوید قمر وی موجود ہن۔
