صدر آصف علی زرداری کوں 6 ہزار توں ودھ درخواستاں نمٹاوݨ دی رپورٹ پیش

اسلام آباد۔8 اکتوبر(اے پی پی)صدرِ مملکت آصف علی زرداری کوں گذشتہ ݙو سالاں اچ 6 ہزار توں ودھ درخواستاں کوں نمٹاوݨ دی رپورٹ پیش کر ݙتی ڳئی۔ ایوانِ صدر دے میڈیا ونگ توں جاری بیان دے مطابق خمیس کوں صدرِ مملکت کوں جسٹس عرفان قادر کنسلٹنٹ (قانونی امور) 2024ء توں 2026ء دے دوران 6 ہزار توں ودھ درخواستاں نمٹاوݨ دی ایوانِ صدر اچ رپورٹ پیش کیتی۔ رپورٹ دے مطابق 6 ہزار توں ودھ درخواستاں دا فیصلہ کیتا ڳیا جیڑھا درخواستاں دے طریقہ کار دی تاریخ اچ ہک ریکارڈ اے۔ صدرِ مملکت کوں ݙسایا ڳیا جو ایں عمل اچ شفافیت تے وی خصوصی توجہ ݙتی ڳئی، زیادہ تر مقدمات اچ متعلقہ فریقین دی موجودگی اچ فیصلے سݨائے ڳئے۔ سینیٹر سلیم مانڈوی والا وی ملاقات اچ موجود ہن۔