صدر آصف علی زرداری نال بحرینی وزیرِ خارجہ ڈاکٹر عبداللطیف بن راشد الزیانی دی ملاقات

اسلام آباد۔8 اکتوبر (اے پی پی) صدرِ مملکت آصف علی زرداری نال بحرین دے وزیرِ خارجہ ڈاکٹر عبداللطیف بن راشد الزیانی ایوانِ صدر اسلام آباد اچ ملین۔ انہاں خصوصی ملاقات کیتی اتے بعد اچ وفود دی سطح تے مذاکرات وی تھئے۔ ڈاکٹر عبداللطیف بن راشد الزیانی پاکستان بحرین مشترکہ وزارتی کمیشن دے تریجھے اجلاس اچ شرکت کیتے پاکستان دے دورے تے ہین۔ صدر آصف علی زرداری آکھیا جو پاکستان مضبوط ݙوطرفہ سیاسی تعلقات ودھ ڳھاٹے تجارتی اتے سرمایہ کاری رابطیاں اچ وٹاوݨ چاہندے، آپس اچ غذائی تحفظ، انفارمیشن ٹیکنالوجی اتے ڈیجیٹل خدمات، تعمیرات، کان کنی، بندرگاہواں دیاں خدمات، تحقیق و ترقی، سیاحت اتے صحت دے شعبیاں اچ تعاون ودھاوݨا ہوسی۔ صدر آصف علی زرداری آکھیا جو پاکستان تے بحرین دی دیرینہ اتے قابلِ اعتماد دفاعی شراکت داری موجود اے جیندا ثبوت مشترکہ فوجی مشقاں، اعلیٰ سطح دے تبادلیاں اتے ادارہ جاتی تعاون اے۔ انہاں علاقائی امن و سلامتی، خطے اچ معاشی سرگرمیان ودھاوݨ سانڳے باہمی تعاون تے زور ݙتے۔ بحرینی وزیرِ خارجہ خطے اچ امن، ثالثی اتے مذاکرات  کیتے پاکستان دیاں مسلسل کوشاں دی تعریف کیتی۔ انہاں اقوامِ متحدہ دی سلامتی کونسل دے غیر مستقل رکن دی حیثیت نال پاکستان دی کامیاب مدت تے وی مبارکباد ݙتی۔ وفود دی سطح تے تھووݨ والے اجلاس اچ بحرینی وفد اچ پاکستان اچ بحرین دے سفیر محمد ابراہیم محمد عبدالقادر، وزیرِ خارجہ دے سیاسی امور دے مشیر حمد علی المنائی، میجر جنرل عبدالعزیز مایوف الرمیحی، ڈائریکٹر جنرل کریمنل انویسٹی گیشن اینڈ فرانزک سائنس، وزارتِ داخلہ، شیخ حمد بن سلمان الخلیفہ، اسسٹنٹ انڈر سیکرٹری برائے داخلی و خارجی تجارت، وزارتِ صنعت و تجارت، انجینئر محمد مرزا العریبی، اسسٹنٹ انڈر سیکرٹری برائے زرعی امور، وزارتِ بلدیاتی امور و زراعت، تے بحرین چیمبر آف کامرس اینڈ انڈسٹری دے فرسٹ وائس چیئرمین یوسف صلاح الدین ابراہیم صلاح الدین شامل ہن۔ پاکستان ولوں نائب وزیرِ اعظم و وزیرِ خارجہ سینیٹر محمد اسحاق ڈار، سینیٹر شیری رحمان، سینیٹر سلیم مانڈوی والا، رکنِ قومی اسمبلی سید نوید قمر، وزارتِ اقتصادی امور دے سیکرٹری تے ٻئے اعلیٰ حکام اجلاس اچ شریک تھئے۔