وزیرِ خزانہ محمد اورنگزیب دی بارکلیز ولوں سرمایہ کاراں دے گول میز اجلاس اچ شرکت

اسلام آباد۔13 اکتوبر (اے پی پی)وفاقی وزیرِ خزانہ و محصولات سینیٹر محمد اورنگزیب بنکاک اچ گورنر سٹیٹ بینک جمیل احمد نال بارکلیز ولوں سرمایہ کاراں دے گول میز اجلاس اچ شرکت کیتی۔ وزیرِ خزانہ مالیاتی اتے بیرونی کھاتیاں اچ بہتری، مسلسل بنیادی مالیاتی سرپلس اتے زرِ مبادلہ دے ذخائر ودھاوݨ نال معاشی استحکام دے حصول اچ پاکستان دی پیشرفت دا ݙسایا۔ وزیرِ خزانہ آئی ایم ایف پروگرام دے تحت پیشرفت، کریڈٹ ریٹنگ اچ بہتری تے نجی پلیسمنٹ، پانڈا بانڈز تے یورو بانڈز دے اجراء نال عالمی کیپٹل مارکیٹس تئیں پاکستان دی ولا رسائی تے وی الایا۔ انہاں ٹیکس نظام، توانائی اتے سرکاری ملکیتی اداریاں اچ جاری اصلاحات، نجکاری اے موقعے اتے ہوائی اڈیاں دے انتظام کوں آؤٹ سورس کرݨ دے منصوبیاں دا ݙسایا۔ سرمایہ کاراں دے ودھدے اعتماد تے الیندے انہاں آئی پی اوز کیتے موجود امکانات اتے بجلی دیاں تقسیم کار کمپنیاں اچ غیر ملکی سرمایہ کاراں دی دلچسپی دا حوالہ وی ݙتا۔ گورنر سٹیٹ بینک ایں موقع تے مہنگائی دے رجحانات، زری حالات اتے بیرونی شعبے اے استحکام تے ڳالھ کیتی۔ چھیکڑ تے سوال جواب دا وی سیشن تھیا۔