وزیر اعظم شہباز شریف نال پارلیمانی جماعتاں دے وفد دی ملاقات

اسلام آباد۔13 اکتوبر(اے پی پی)وزیراعظم محمد شہباز شریف نال پاکستان مسلم لیگ (ق)، بلوچستان عوامی پارٹی، استحکام پاکستان پارٹی اتے مسلم لیگ (ضیاء) دے پارلیمانی وفد ملاقات کیتی۔ وفد اچ بلوچستان عوامی پارٹی دے صدر اتے وفاقی وزیر خالد مگسی، سابق چیئرمین سینیٹ اتے ایم پی اے صادق سنجرانی، سینیٹرز منظور کاکڑ، عبدالقادر بلوچ، دنیش کمار اتے ثمینہ ممتاز زہری، سابق سینیٹر فدا محمد خان، پاکستان مسلم لیگ (ق) دے صدر اتے وفاقی وزیر چوہدری سالک حسین، اراکین قومی اسمبلی محمد الیاس چوہدری اتے فرح خان، استحکام پاکستان پارٹی دے وزیر مملکت عون ثقلین عباس، اراکین قومی اسمبلی گل اصغر خان اتے منزہ حسن، پی ایم ایل (ضیاء) دے صدر و ممبر قومی اسمبلی محمد اعجاز الحق شامل ہن۔ وزیراعظم وفد کوں صوبہ خیبر پختونخوا دی صورتحال تے اعتماد اچ ڳھدے۔ وزیراعظم آکھیا جو خیبر پختونخوا اچ امن و امان دی صورتحال بہتر ٻݨاوݨ، معیشت دی بہتری، دہشتگردی مکاوݨ کیتے گورنر دی معاونت کیتے غیر جانبدار ٹیکنوکریٹ ایڈوائزری کونسل ٻݨائی گئی اے، خیبر پختونخوا اچ پی ٹی آئی حکومت دے طرز عمل اتے دہشتگردی دے خلاف ݙو ٹوک موقف توں پچھو ہٹھݨ نال پاکستان دی ترقی کریندی معیشت کوں خطرات ہن، وفاقی کابینہ باہمی مشاورت نال آئین دے آرٹیکل 232 اتے 234 دے تحت آئینی اقدامات دا فیصلہ کیتے، پچھلے کئی سالاں توں خیبر پختونخوا اچ پاک افواج، سکیورٹی فورسز اتے پولیس دے کئی اہلکاراں شہادت پاتی اتے اپݨیاں جانان ݙتن، پچھلے 13 سالاں اچ پاکستان تحریکِ انصاف اتے خیبر پختونخوا دی صوبائی حکومت نہ عوامی فلاح دا کم کیتے نہ ہی عوام دی جان و مال دی حفاظت کیتے اقدامات کیتن۔ انہاں آکھیا جو وفاقی حکومت خیبر پختونخوا کوں دہشت گردی مکاوݨ کیتے این ایف سی دے تحت 800 ارب روپے توں ودھ فنڈز ݙتے، خیبر پختونخوا حکومت دہشت گردی دے خلاف جنگ کیتے کاؤنٹر ٹیررازم ڈیپارٹمنٹ دی استعداد کار ودھاوݨ اتے سیف سٹیز کیتے موثر اقدامات اچ ناکام رہی۔ پارلیمانی وفد وزیراعظم کوں یقین ݙیوایا جو اتحادی جماعتاں موجودہ صورتحال اچ وفاقی حکومت دے نال ہین، وفاقی حکومت دے تعاون نال خیبر پختونخوا اچ وی ٻئے حصیاں آلی کار ترقی و خوشحالی دا پندھ اڳو تے ودھسی۔ ملاقات اچ نائب وزیراعظم و وزیرِ خارجہ سینیٹر محمد اسحاق ڈار، وزیرِ دفاع خواجہ محمد آصف، وفاقی وزیرِ قانون و انصاف اعظم نذیر تارڑ، وفاقی وزیرِ پارلیمانی امور ڈاکٹر طارق فضل چوہدری اتے وزیراعظم دے مشیر برائے سیاسی امور و بین الصوبائی روابط رانا ثناء اللہ وی موجود ہن۔