وزیراعظم نال وفاقی وزیرِ تعلیم ڈاکٹر خالد مقبول صدیقی دی اڳواݨی اچ متحدہ قومی موومنٹ دے وفد دی ملاقات

اسلام آباد۔13 اکتوبر(اے پی پی)وزیراعظم محمد شہباز شریف نال کنوینر متحدہ قومی موومنٹ، وفاقی وزیرِ تعلیم ڈاکٹر خالد مقبول صدیقی دی اڳواݨی اچ متحدہ قومی موومنٹ دے وفد ملاقات کیتی۔ وفد اچ وفاقی وزیر قومی صحت سید مصطفیٰ کمال، سینیٹر عامر ولی الدین چشتی، سینیٹر خالدہ اتیب، اراکین قومی اسمبلی ڈاکٹر محمد فاروق ستار، عبدالعلیم خان، سید وسیم حسین، آسیہ اسحاق صدیقی، محمد جاوید حنیف خان، محمد معین عامر پیر زادہ، محمد اقبال خان، حسان صابر، صادق افتخار، ارشد عبداللہ وہرا، سید حفیظ الدین، سید امین الحق، خواجہ اظہار الحسن، احمد سلیم صدیقی، فرحان چشتی، نگہت شکیل خان، سبہین غوری، رانا انصر، صوفیہ سعید شاہ اتے سنجے پروانی شامل ہن۔ ملاقات اچ ملک دی مجموعی و سیاسی صورتحال تے ڳالھ تھئی۔ وزیراعظم وفد کوں صوبہ خیبر پختونخوا دی صورتحال تے اعتماد اچ ڳھندے آکھیے جو خیبر پختونخوا دے عوام دے بہترین مفاد اچ اے اوکھا فیصلہ کرݨا پئے، اساں پوری کوشش کیتی جو کیہوائیں اے اے چھیکڑی اقدام نا چاوݨا پووے، تہوں ݙاݙھے کھلے دل نال مذاکرات کیتن ٻھل ایندا مثبت ولدا نئیں ملیا، خیبر پختونخوا اچ ودھدے دہشتگردانہ حملیاں اچ عام شہریاں اتے سکیورٹی فورسز کوں چٹیا ویندا پیا ہا ڄݙاں جو صوبائی حکومت دہشتگرد گروہاں دے خلاف کھل تے آواز چاوݨ اچ ناکام رہی، لانگ مارچ ملک دی بہتر تھیندی معیشت کوں تباہ کرݨ دی سازش ہئی۔ وفد وزیراعظم کوں صوبہ خیبر پختونخوا بارے حکومتی فیصلاں تے مکمل حمایت دا یقین ݙیوایا۔ ملاقات اچ نائب وزیراعظم و وزیرِ خارجہ محمد اسحاق ڈار، وزیرِ دفاع خواجہ محمد آصف، وفاقی وزیرِ قانون و انصاف اعظم نذیر تارڑ، وفاقی وزیرِ پارلیمانی امور ڈاکٹر طارق فضل چوہدری اتے وزیراعظم دے مشیر برائے سیاسی امور و بین الصوبائی روابط رانا ثناء اللہ وی موجود ہن۔