راولپنڈی۔13 اکتوبر(اے پی پی)کوئٹہ دے نیڑے مشاق تربیتی طیارے دے حادثے اچ شہید تھیوݨ آلے میجر حسنین شہزاد ہمایوں شہید اتے کیپٹن عبدالصمد شہید دی نمازِ جنازہ چکلالہ گیریژن راولپنڈی اچ پڑھائی ڳئی۔ پاک فوج دے شعبۂ تعلقاتِ عامہ (آئی ایس پی آر) دے مطابق 12 اکتوبر کوں کوئٹہ اچ نواں کلی دے نیڑے تربیتی پرواز ویلھے حادثے اچ ݙوہیں بہادر افسران شہید تھئے ہن۔ نمازِ جنازہ اچ وزیراعظم شہباز …
مشاق طیارہ حادثے اچ شہید میجر حسنین اتے کیپٹن عبدالصمد دی نمازِ جنازہ ادا، وزیراعظم اتے آرمی چیف دی شرکت
راولپنڈی۔13 اکتوبر(اے پی پی)کوئٹہ دے نیڑے مشاق تربیتی طیارے دے حادثے اچ شہید تھیوݨ آلے میجر حسنین شہزاد ہمایوں شہید اتے کیپٹن عبدالصمد شہید دی نمازِ جنازہ چکلالہ گیریژن راولپنڈی اچ پڑھائی ڳئی۔ پاک فوج دے شعبۂ تعلقاتِ عامہ (آئی ایس پی آر) دے مطابق 12 اکتوبر کوں کوئٹہ اچ نواں کلی دے نیڑے تربیتی پرواز ویلھے حادثے اچ ݙوہیں بہادر افسران شہید تھئے ہن۔ نمازِ جنازہ اچ وزیراعظم شہباز شریف، چیف آف آرمی سٹاف و ڈیفنس فورسز فیلڈ مارشل سید عاصم منیر، نائب وزیراعظم و وزیرِ خارجہ اسحاق ڈار، وفاقی وزیرِ اطلاعات و نشریات عطا اللہ تارڑ، سیکرٹری دفاع، ڈی جی آئی ایس پی آر، کمانڈر نیشنل سٹریٹجک کمانڈ، اعلیٰ سول و عسکری حکام اتے شہداء دے لواحقین شرکت کیتی۔ آئی ایس پی آر دے مطابق پاکستان دی مسلح افواج اتے پوری قوم مادرِ وطن تے جان وارݨ والے اناں بہادر سپوتاں دی عظیم قربانی کوں سلام اتے خراجِ عقیدت پیش کریندی اے۔ ݙوہاں شہداء کوں مکمل فوجی اعزاز نال انہاں دے آبائی علاقیاں اچ سپردِ خاک کیتا ویسی۔
