راولپنڈی۔14 اکتوبر(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال روسی فیڈریشن دے وزیرِ داخلہ ولادیمیر کولوکولتسیف جنرل ہیڈکوارٹرز (جی ایچ کیو) راولپنڈی اچ ملین۔ پاک فوج دے شعبۂ تعلقاتِ عامہ (آئی ایس پی آر) دے مطابق انہاں باہمی دلچسپی دے اہم امور اتے علاقائی سکیورٹی صورتحال تے الایا ڄݙاں جو ݙوہیں ملکاں وچال ݙوطرفہ سکیورٹی تعاون ٻیا مضبوط ٻݨاوݨ تے خصوصی …
فیلڈ مارشل سید عاصم منیر نال روسی وزیرِ داخلہ دی جی ایچ کیو اچ ملاقات
راولپنڈی۔14 اکتوبر(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال روسی فیڈریشن دے وزیرِ داخلہ ولادیمیر کولوکولتسیف جنرل ہیڈکوارٹرز (جی ایچ کیو) راولپنڈی اچ ملین۔ پاک فوج دے شعبۂ تعلقاتِ عامہ (آئی ایس پی آر) دے مطابق انہاں باہمی دلچسپی دے اہم امور اتے علاقائی سکیورٹی صورتحال تے الایا ڄݙاں جو ݙوہیں ملکاں وچال ݙوطرفہ سکیورٹی تعاون ٻیا مضبوط ٻݨاوݨ تے خصوصی توجہ رکھی۔ ایں موقع تے پاکستان اتے روس دے سکیورٹی اداریاں وچال ادارہ جاتی رابطے ٻئے تکڑے کرݨ اتے باہمی ہم آہنگی بہتر بݨاوݨ تے زور ݙتے۔ آرمی چیف و چیف آف ڈیفنس فورسز فیلڈ مارشل سید عاصم منیر عزم دوہرایا جو پاکستان روس نال اپݨے دیرینہ تعلقات ٻئے مستحکم کرݨ تے مشترکہ مفادات دے شعبیاں بالخصوص سکیورٹی دے میدان اچ عملی اتے ٹھوس تعاون کوں وسعت ݙیوݨ کیتے پرعزم اے۔ ایں موقع تے معزز مہمان ولادیمیر کولوکولتسیف خطے اچ پائیدار امن و استحکام سانڳے پاکستان دے کلیدی کردار دی تعریف کیتی اتے دہشتگردی دے خلاف جنگ اچ پاک افواج دی پیشہ ورانہ مہارت، غیر متزلزل عزم اتے ݙتیاں ون٘ڄݨ والیاں لازوال قربانیاں کوں منیدے انہاں کوں بھرپور خراجِ تحسین پیش کیتا۔
