دوشنبے۔19 اکتوبر (اے پی پی)نائب وزیراعظم و وزیرِ خارجہ سینیٹر محمد اسحاق ڈار جمہوریہ تاجکستان دے وزیراعظم قاہر رسول زادہ نال ملین۔ نائب وزیراعظم و وزیرِ خارجہ پرتپاک مہمان نوازی اتے اپݨے وفد کیتے انتظامات تے تاجکستان دے وزیراعظم دا شکریہ ادا کیتا اتے شنگھائی تعاون تنظیم (ایس سی او) دے سربراہانِ حکومت دی کونسل دے اجلاس دے انتظامات دی وی تعریف کیتی۔ انہاں تاجکستان کوں آزادی دی 35ویں سالگرہ …
نائب وزیراعظم و وزیرِ خارجہ سینیٹر محمد اسحاق ڈار دی تاجک وزیراعظم قاہر رسول زادہ نال ملاقات
دوشنبے۔19 اکتوبر (اے پی پی)نائب وزیراعظم و وزیرِ خارجہ سینیٹر محمد اسحاق ڈار جمہوریہ تاجکستان دے وزیراعظم قاہر رسول زادہ نال ملین۔ نائب وزیراعظم و وزیرِ خارجہ پرتپاک مہمان نوازی اتے اپݨے وفد کیتے انتظامات تے تاجکستان دے وزیراعظم دا شکریہ ادا کیتا اتے شنگھائی تعاون تنظیم (ایس سی او) دے سربراہانِ حکومت دی کونسل دے اجلاس دے انتظامات دی وی تعریف کیتی۔ انہاں تاجکستان کوں آزادی دی 35ویں سالگرہ تے وی مبارکباد ݙتی۔ ݙوہائیں رہنماواں ݙوطرفہ تعلقات دا جائزہ گھدا تے تجارت، سرمایہ کاری، توانائی، رابطہ کاری، دفاع تے ثقافت سودھا مختلف شعبیاں اچ تعاون ٻیا تکڑا بݨاوݨ دا عزم دوہرایا۔ انہاں عوامی سطح تے رابطے ودھاوݨ تے زور ݙیندے موسمیاتی تبدیلی اتے آبی تحفظ دے شعبیاں اچ تعاون دی اہمیت تے الایا۔ پاکستان دی آفات نال نمٹݨ دی مہارت دا ݙسیندے انہاں ہنگامی صورتحال نال نمٹݨ دے قومی ادارے (این ڈی ایم اے) نال تاجکستان نال تعاون دے امکانات تے زور ݙتا۔ ݙوہائیں رہنماواں علاقائی صورتحال تے وی الایا۔ نائب وزیراعظم و وزیرِ خارجہ علاقائی امن ودھاوݨ اتے ودھ اقتصادی انضمام کیتے تاجکستان نال تعاون جاری رکھݨ دا عزم دوہرایا۔
