معروف ماہر تعلیم، افسانہ نگار پروفیسر ڈاکٹر مزمل بھٹی دے انتقال تے افسوس

اسلام آباد۔ 19 اکتوبر(اے پی پی)سرائیکی ادبی اکیڈمی بہاول پور اسلامیہ یونیورسٹی دی سابق سربراہِ شعبۂ اردو تے ریڈیو پاکستان دی افسانہ نگار پروفیسر ڈاکٹر مزمل بھٹی دے انتقال تے افسوس کیتے۔ انہاں دیاں علمی، ادبی اتے تدریسی خدمات ہمیشہ یاد رکھیاں ویسن، انہاں دے افسانے اتے ڈرامے ریڈیو پاکستان توں نشر تھیندے رہین۔ معروف ادیبہ، افسانہ نگار، دانشور اتے ماہر تعلیم پروفیسر ڈاکٹر مزمل بھٹی لاہور اچ ڄمین، بہالپور آوݨ توں بعد انہاں اپݨی تعلیم صادق گرلز ہائی سکول اتے صادق گرلز کالج توں، جڈاں جو ایم اے اتے ڈاکٹریٹ دی ڈگری اسلامیہ یونیورسٹی توں گھدی ، انہاں یونیورسٹی دے جیڑھے شعبے توں آپݨی تعلیم مکمل کیتی اوں ہی شعبے اچ پہلی خاتون ریسرچر ملازمت شروع کیتی، جتھاں یونیورسٹی دے شعبہ اُردو اچ بطور لیکچرر، اسسٹنٹ پروفیسر، ایسوسی ایٹ پروفیسر اتے صدرِ شعبہ خدمات توں بعد بعد 2016ء اچ ریٹائر تھئن۔ چار کتاباں چھپ چکئین جیندے اچ  ہک مرتب کردہ کتاب”پھر وہ منظر خواب ہوئے”ـ جڈاں جو ترائے کتاباں “گھگو گھوڑے”۔”صحرا مہک رہا ہے”۔”نئی زمیں نیا آسماں چاہیے” شائع تھی چکئین، ایندے علاوہ 30 توں ودھ تحقیقی مضمون پاکستان دے جید رسالے اتے جرائد اچ چھپئین ایں توں علاوہ کالم وی لکھئین اتے ریڈیو کیتے فیچر اتے افسانے وی لکھیے، احمد ندیم قاسمی دے افسانیاں کوں وی ریڈیائی شکل ڈتی جیڑھے ریڈیو ملتان توں نشر تھئے۔ سرائیکی ادبی اکیڈمی دے جنرل سیکریٹری شاہد دھریجہ اے پی پی نال انھاں دے انتقال تے ارمان کریندے آکھے پروفیسر ڈاکٹر مزمل بھٹی دیاں خدمات کوں ہمیش یاد رکھیا ویسی۔

ڈاکٹر سعدیہ کمال