پاکستان دی ہریانہ اچ انتخابی ریلی دوران بھارتی وزیر دفاع دے حالیہ اشتعال انگیز اتے غیر ذمہ دارانہ بیان دی مذمت بھارتی حکومت دے سینئر وزیر ولوں ایجھے اشتعال انگیز بیان ،بھارتی جنتا پارٹی دی زہنیت، انتہا پسند نظریے، غاصبانہ خواہشات اتے پاکستان دے نال انہاں دے جنگی جنون دا مظہر ہیں، ترجمان دفتر خارجہ

اسلام آباد ۔ 15 اکتوبر (اے پی پی) پاکستان ہریانہ اچ انتخابی ریلی دوران بھارتی وزیر دفاع دے حالیہ اشتعال انگیز اتے غیر ذمہ دارانہ بیان دی مذمت کیتی ہے، بھارتی حکومت دے سینئر وزیر ولوں ایجھے اشتعال انگیز بیان ،بھارتی جنتا پارٹی دی زہنیت، انتہا پسند نظریے، غاصبانہ خواہشات اتے پاکستان دے نال انہاں دے جنگی جنون دا مظہر ہیں ہیں۔منگل کوں دفتر خارجہ توں جاری تھیونڑ آلے ہک بیان اچ ترجمان دفتر خارجہ آکھیا جو بھارتی وزیر راجناتھ سنگھ کوں ایں گالھ تے کوئی شک نی ہونڑ چاہیدا جو پاکستان دے عوام اتے سیکورٹی فورسز کہیں وی گھندے عزائم اتے جارحیت دے خلاف ملکی دفاع سانگے مکمل تیار ہن۔ ترجمان آکھیا جو انسداد دہشت گردی دے حوالے نال بھارتی وزیر دے بے معنی بیانات کوں وی مسترد کریندوں۔ انہاں آکھیا جو بھار ت کوں پہلے خودد ریاستی دہشت گردی کوں مکاونڑ چاہیدے ،جیرھی جو بھارتی حکومت گزریل دہائیاں توں مقبوضہ کشمیر دے عوام کوں دبانے سانگے کریندی پی ہے۔