”احساس“ اتے ”صحت انصاف “ پروگرامز کوں اندرون سندھ تئیں ودھایا ویسی وزیراعظم عمران خان دی جی ڈی اے وفد نال ملاقات اچ گالھ مہاڑ

کراچی ۔ 21 اکتوبر (اے پی پی) وزیراعظم عمران خان آکھیے جو ”احساس“ اتے ”صحت انصاف“ پروگرامز کوں اندرون سندھ تئیں ودھایا ویسی۔ انہاں ایہ گالھ کراچی اچ گرینڈ ڈیموکریٹک الائنس (جی ڈی اے) دے وفد نال ملاقات اچ گالھ مہاڑ کریندے ہوئیں آکھی۔ سنوار کوں وزیراعظم میڈیا آفس توں جاری بیان مطابق جی ڈی دے سینیٹر مظفر حسین شاہ، رکن قومی اسمبلی غوث بخش مہر، رکن سندھ اسمبلی سائرہ بانو، رکن قومی اسمبلی علی نواز شاہ، عبدالرزاق، علی غلام، علی گوہر خان مہر، عارف مصطفی جتوئی، حسنین علی مرزا، محمد رفیق، محمد راشد شاہ، محمد شہریار خان مہر، نند کمار گوکھانی، نصرت سحر عباسی، شمس الدین، وریام فقیر اتے نویں منتخب تھیونڑ آلے ممبر سندھ اسمبلی معظم عباسی وزیراعظم نال ملاقات کیتی۔ ملاقات اچ گورنر سندھ عمران اسماعیل، وفاقی وزیر پارلیمانی امور اعظم خان سواتی، وزیر منصوبہ بندی مخدوم خسرو بختیار، وزیر بحری امور سیّد علی زیدی، وزیر آبی وسائل فیصل واوڈا، معاون خصوصی ندیم بابر اتے رکن قومی اسمبلی اسد عمر وی موجود ہن۔ ملاقات اچ جی ڈی اے دے وفد اپنڑے حلقیاں اچ درپیش مسئلیاں بارے وزیراعظم کوں ڈسایا ۔ ایں موقع تے وزیراعظم وفد کوں یقین ڈیوایا جو ”احساس“ اتے ”صحت انصاف“ پروگرامز کوں اندرون سندھ تئیں ودھایا ویسی۔