پاکستان اچ ساریاں اقلیتاں دے حقوق محفوظ، بھارت اچ اقلیت شہریت دے امتیازی تے متعصبانہ قانون دے خلاف احتجاج کریندے پن ،ڈاکٹر فردوس عاشق اعوان دا ٹویٹ

اسلام آباد ۔ 23 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے عمران خان دے نویں پاکستان اچ ساریاں اقلیتاں دے حقوق محفوظ ہن تے انہاں کوں ترقی دے برابر دے موقع ملدے پن ، آئین پاکستان انہاں دے حقوق دا ضامن اے ، بھارت اچ اقلیتاں شہریت دے امتیازی اتے متعصبانہ قانون دے خلاف احتجاج کریندے پن ۔ سنوار کوں اپنڑے ٹویٹ اچ انہاں آکھیے جو بھارتی شہر میدان جنگ دا منظر پیش کریندے پن ۔مودی اپنڑی بدنیتی ، بدفطرتی اتے چالاکی نال بھارت اچ اقلیت تے تھیونڑ آلے ظلم توں دنیا دی توجہ ہٹا نی سگدا ، انہاں آکھیے جو بھارت دے عوام مودی دی نفرت دے خلاف بغاوت کر ڈتی اے ۔ ڈاکٹر فردوس عاشق اعوان آکھیے جو مقبوضہ جموں کشمیر اچ کئی مہینے توں کرفیو نافذ اے ،کشمیری مسلماناں دی زندگی اتے موت دا پارھا اے ، انہاں آکھیے جو امتیازی شہریت دے متنازعہ قانون مودی دی مسلماناں دے خلاف نفرت دی تصدیق کرڈتی اے ۔