پاکستان پائیدار اتے ترقی آلے پاسے ٹردا پئے ،سارے معاشی اشاریے اتے اجوکی پیشرفت معیشت دی بحالی،نمو کوں ودھاونڑ،نرخاں دا ٹکاﺅ،نینگراں کوں روزگار ڈیونڑ اتے اہم بنیادی ڈھانچے کوں نویں سروں بنڑاونڑ اچ حکومت دی معاشی کارکردگی اچ بہتری بارے ڈسیندی پئی اے ،وزارت خزانہ دا آزادی دے ڈینھ دے موقع تے ملک دی معیشت بارے تفصیلی بیان

اسلام آباد ۔ 14 اگست (اے پی پی) پاکستان پائیدار اتے ترقی آلے پاسے ٹردا پئے ،سارے معاشی اشاریے اتے اجوکی پیشرفت معیشت دی بحالی،نمو کوں ودھاونڑ،نرخاں دا ٹکاﺅ،نینگراں کوں روزگار ڈیونڑ اتے اہم بنیادی ڈھانچے کوں نویں سروں بنڑاونڑ اچ حکومت دی معاشی کارکردگی اچ بہتری بارے ڈسیندی پئی اے،اے گالھ ہنڑ جگ اچ منی ویندی پئی اے جو پاکستان کورونا وائرس دی وبا دے اثرات کوں گھٹ کرنڑ سانگے ویلھے تے اقدامات کیتن،اتے حکومت اصلاحات دے ایجنڈے دے تحت کامیابیاں کوں سانببھنڑ سانگے 1240ارب روپے دے معاشی پیکیج دا اعلان کیتے، احساس ایمرجنسی کیش پروگرام ہک کروڑ20 لکھ مستحقین کوں امدادڈتی اے،حکومت روز دی استعمال دی شہیں خصوصی طور اٹا،کھنڈ دے نرخاں اچ گھٹکی سانگے کم کریندی پئی اے، کامیاب جوان پروگرام ، نیاپاکستان ہاﺅسنگ پروگرام اتے ٹین بلین سونامی پروگرام نال روزگار دے معقول اتے چنگے موقع ملسن،نویں شپنگ پالیسی ، سی پیک دے تحت ایم ایل ون منصوبہ، بلڈنگ اتے تعمیراتی شعبہ سانگے مراعات اتے ایمازون ڈیٹا سروسز پاکستان لمیٹڈ نال ملک اچ روزگار دے موقع ودھ ویسن۔اے گالھ وزارت خزانہ دا آزادی دے ڈینھ دے موقع تے ملک دی معیشت بارے تفصیلی بیان اچ ڈسائی گئی۔بیان اچ ڈسیا گئیا جو مالیاتی شعبے دی بہتری سانگے حکومتی اقدامات معاون ثابت تھین اتے حکومتی امداد پیکی پاروں کورونا دے اوکھے دور دے چیلنجز پاروں اہم معاشی اشاریاں اچ بہتری آئی اے،معاشی اشاریاں اچ بہتری حکومت ولوں جامع ٹیکس اقدامات،انتظامی اصلاحات اتے خرچیاں کوں معقول کرنڑ بارے حکومت دی دانشمندانہ پالیساں دا نتیجہ اے۔مالی سال 2019-20ءاچ جی ڈی پی دے تناسب نال مالی خسارہ پیوستہ مالی سال دے 9.1 فیصد دےءمقابلے اچ 8.1 فیصد تئیں ڈہہ گئے ،کل ریونیو اچ 28فیصد جڈانجو خرچیاں اچ 15.6فیصد ودھارا تھیے،ٹیکس ریونیو اچ تاریخی 257فیصد ودھارا تھیے۔اہم پیش رفت پاروں حکومت استحکام سانگے کیتے گئے اقدامات نال بنڑنڑ آلے چیلنجز جینویں معاشی سست روی،روزگار دے موقعاں اچ سست روی اتے معاشرے دے کمزور اتے غریب طبقے تے پوونڑ آلے اثرات بارے جانڑدی اے۔بیان اچ ڈسیا گئیا جو پاکستان کورونا وائرس دے وباءدے اثرات کوں گھٹ کرنڑ سانگے ویلھے تے اقدامات کیتے اتے حکومت اصلاحات دے ایجنڈے دے تحت کامیابیاں کوں سانبھنڑ سانگے 1240ارب روپے دے معاشی پیکیج دا اعلان کیتا،بعد اچ تعمیراتی شعبے سانگے ریلیف پیکیج دا اعلان وی کیتا گئیا ۔حکومت ہک کروڑ20لکھ ٹبراں اچ فوری نقد رقم ڈیونڑ سانگے احساس ایمرجنسی کیش پروگرام لانچ کیتا،انہاں ٹبراں کوں 12000روپے فی ٹبر امداد ڈتی گئی ،ایں سانگے 144ارب روپے رکھیے گئے ہن ۔ احساس ایمرجنسی کیش پروگرام ہک کروڑ 20لکھ مستحقین کوں مالی امداد ڈیونڑ دا ہدف پوراکر گھدے،حکومت ہنڑ تئیں ہک کروڑ69لکھ ٹبراں کوں امداد ڈتی اے۔ایں سانگے پروگرام دا بجٹ 203ارب روپے کر ڈتا گئے ۔