اسلام آباد ۔ 3 اپریل (اے پی پی) وزارت مذہبی امور آکھیا جو حج پالیسی دے اعلان توں پہلے کہیں وی قومی بینک کوں حج درخواستاں وصول کرنڑ دا اختیار کائنی،درخواستاں دی وصولی دا عمل حج پالیسی دے اعلان دے بعد مقررہ شیڈول دے مطابق شروع تھیسی۔سنوار کوں جاری وضاحتی بیان اچ آکھیا گئیا جو وزارت مذہبی امور کوں ایجھی شکایتاں ملین جو بینکاں ولوں عوام کوں حج درخواستاں بارے موبائل فون تے ایس ایم ایس ملدے پئن جڈانجو وزارت مذہبی امور کہیں وی بینک کوں حالی تئیں اختیار کائنی ڈتا او حج درخواستاں وصول کر سگن۔سرکاری اتے پرائیویٹ سکیم دے تحت حج درخواستاں دی وصولی دے لائحہ عمل دا اعلان حج 2017ء سانگے پالیسی اچ کیتا ویسی۔
