قومی انسداد پولیو مہم وچال ݙو لکھ 85 ہزار پولیو ورکرز 39 ملین ٻالاں کوں پولیو توں بچائو دے قطرے پلائے ویسن، وزیراعظم دے معاون برائے صحت ڈاکٹر فیصل سلطان

اسلام آباد۔30نومبر (اے پی پی) ایں مالی سال دی تریجھی قومی انسداد پولیو مہم اچ 39 ملین توں ودھ ٻالاں کوں پولیو توں بچائو دے قطرے پلائے ویسن۔ مہم اچ ڈولکھ 85 ہزار پولیو ورکرز گھر گھر ونڄ کراہیں پنج سال تئیں دے ٻالاں کوں پولیو توں بچائو دے قطرے پلیسن۔ سنوار کوں وزارت صحت توں جاری بیان موجب وزیراعظم دے معاون برائے صحت ڈاکٹر فیصل سلطان آکھیا جو حکومت پاکستان کون پولیو توں پاک کرݨ سانڳے پر عزم اے۔ انہاں آکھیا جو اساں رل تے صحت مند اتے پولیو توں پاک پاکستان دا ہدف ڳھن سڳدوں۔ مہم وچال پولیو ورکرز کورونا عے ایس او پیز تے عمل کریندیں ہوئیں مہم چلیسن۔ماسک، ہینڈ سینیٹائزر دا استعمال تے سماجی وتھ کوں یقینی بݨایا ویسی۔