وزیراعظم محمد شہباز شریف دی مکہ مکرمہ دے خلاف بزدلانہ تے گھناؤنے ڈرون حملے دی کوشش دی شدید مذمت

اسلام آباد۔ 16 ستمبر (اے پی پی) وزیراعظم محمد شہباز شریف مقدس مقام مکہ مکرمہ دے خلاف بزدلانہ تے گھناؤنے ڈرون حملے دی کوشش دی شدید مذمت کریندے آکھیے جو پاکستان بھرا اسلامی ملک سعودی عرب دی خودمختاری تے علاقائی سالمیت دے دفاع دے نال نال حرمین شریفین دے تحفظ تے تقدس کیتے مملکت دے رلے غیر متزلزل طور تے کھڑے۔ سماجی رابطے دے پلیٹ فارم ایکس تے بیان اچ وزیراعظم آکھیا جو پاکستانی عوام ایں اشتعال انگیز اقدام تے ݙکھی تے شدید تشویش اچ مبتلا ہن، ایں قابلِ مذمت تے ناقابلِ معافی اقدام تے اساݙے دلاں اچ موجود ݙکھ تے اضطراب کوں بیان کرݨ کیتے الفاظ ناکافی ہن۔ انہاں آکھیا جو اساں رائل سعودی مسلح افواج دی غیر معمولی مستعدی، بہادری تے پیشہ ورانہ صلاحیتاں کوں سلام پیش کریندوں جنہاں شجاعت دے نال فوری کارروائی کریندے ایں کوشش کوں ناکام بݨائے۔ وزیراعظم آکھیا جو ھک واری ول سارے فریقین تے زور ݙیندوں جو او زیادہ توں زیادہ تحمل دا مظاہرہ کرن تے مزید کشیدگی دے خطرے توں پچھوں ہٹن، اساݙا خطہ پہلے ہی جھیڑیں پاروں ٻہوں زیادہ نقصان چاتی کھڑے، پائیدار امن دے حصول کیتے مذاکرات تے سفارت کاری ہی واحد قابلِ عمل رستہ اے۔ انہاں آکھیا جو پاکستان بھرا اسلامی ملک سعودی عرب دی خودمختاری تے علاقائی سالمیت دے دفاع دے نال نال حرمین شریفین دے تحفظ تے تقدس کیتے سعودی عرب دے رلے غیر متزلزل طور تے کھڑے، اے او ذمہ واری اے جینکوں ہر پاکستانی اپݨے دل دے نیڑے رکھیندے۔