چیف آف آرمی سٹاف فیلڈ مارشل سید عاصم منیر نال رابرٹ بریٹ ویلیکووچ دی سربراہی اچ امریکی کمپنی ’’پاور اس‘‘ دے وفد دی ملاقات

راولپنڈی۔ 16 ستمبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال رابرٹ بریٹ ویلیکووچ دی سربراہی اچ دفاعی تے اہم بنیادی ڈھانچے دے شعبے اچ مہارت رکھݨ آلی امریکی کمپنی ’’پاور اس‘‘ دے وفد ملاقات کیتی جیندے اچ سانجھی دلچسپی دے امور، دفاعی ٹیکنالوجی دے ابھردے ہوئے رجحانات تے دفاعی خریداری، پیداوار تے استعدادِ کار اچ ودھارے کیتے تعاون دے رستے تے ڳالھ مہاڑ کیتی ڳئی۔ آئی ایس پی آر موجب اے اہم ملاقات جی ایچ کیو راولپنڈی اچ تھئی۔ ملاقات اچ چیف آف آرمی سٹاف و چیف آف ڈیفنس فورسز قومی سلامتی تے استحکام کوں تکڑا بݨاوݨ اچ تکنیکی جدت تے جدید حل دی اہمیت کوں اجاگر کیتا۔ فریقین سانجھی دلچسپی دے شعبیں اچ رابطے تے تعاون کوں مزید وسعت ݙیوݨ اچ دلچسپی دا اظہار کیتا۔