کورونا وائرس توں متاثرہ ترقی پزیر ملکاں کوں ہنگامی  مالی اعانت دی لوڑھ اے ،اقوام متحدہ اچ پاکستان دے مستقل مندوب دا ای سی او ایس او سی اجلاس توں خطاب

اقوام متحدہ۔2دسمبر  (اے پی پی):اقوام متحدہ اچ پاکستان دے مستقل مندوب و اقوام متحدہ دی  اقتصادی اتے سماجی کونسل( ای سی او ایس او سی)  دے صدر  منیر اکرم مطالبہ کیتے جو کورونا وائرس توں متاثرہ  ترقی پزیر ملکاں کوں اپݨی معیشت  کوں تباہی توں بچاوݨ کیتے 25 کھرب ڈ الر دی     ہنگامی مالی  امداد دی لوڑھ اے تے ایں اوکھے ویلھے بین الاقومی  تعاون  دی وی لوڑھ اے ۔ انھاں بدھ کوں معاشرتی ترقی کیتے عالمی سربراہی اجلاس دی 25 ویں سالگرہ  تے اقوام متحدہ دی جنرل اسمبلی اتے ای سی او ایس او سی  دے مشترکہ اعلی سطحی اجلاس اچ آکھیے جو دنیا ایں ویلھے  ترقی پزیز ملکاں دی ہنگامی  مالی امداد نہ کیتی تاں ٻہوں سارے ملکاں کوں کورونا وائرس دی وبا پاروں وݙے پیمانے تے خراب ہوندی ہوئی انسانی صورتحال دی وجہ توں قرضیں دی عدم ادائیگی اتے معیشت دی تباہی دا سامݨاں ہوسی ۔  اے سربراہی اجلاس 1995 اچ  ڈنمارک دے دارالحکومت  کوپن ہیگ اچ تھیا ہئی جیں اچ عالمی رہنماواں اقتصادی شرح نمو اتے معاشرتی ترقی  اچ توازن  تے اتفاق کیتا ہئی ۔