اکادمی ادبیات پاکستان ولوں جدید اردو اتے سندھی شاعر شیخ ایاز دے 23ویں ورھینڑے تے آن لائن شیخ ایاز قومی ادبی سیمینار

اسلام آباد۔4جنوری(اے پی پی)کوئی تخلیق کار مقامی رنگ دے بغیر آفاقی نی تھی سگدا۔ اے گالھ اظہارافتخار عارف اکادمی ادبیات پاکستان ولوں جدید اردو اتے سندھی شاعر شیخ ایاز دے 23ویں ورھینڑے تےآن لائن شیخ ایاز قومی ادبی سیمینار اچ آپدے صدارتی خطاب اچ کیتا۔ مجلس صدارت اچ تاج جویووی شامل ہن۔ فاطمہ حسن اتے مدد علی  خصوصی جڈاں جو ادل سومرو اتے ایازگل مہمانان اعزازہن ۔ ڈاکٹریوسف خشک، چیئرمین ، اکادمی ادبیات پاکستان ابتدائیہ پیش کیتا۔ احمد سلیم، ڈاکٹر غفور میمن،ڈاکٹر انور ھکڑو، ڈاکٹر اسحاق سمیجو، ڈاکٹر عبدا للہ جان عابد، ڈاکٹر فیاض لطیف ، ڈاکٹر مخمور بخاری، محبوب ظفراور ڈاکٹر ضیاءالرحمن بلوچ  آپدےخیالات دا اظہارکیتا۔ افتخار عارف داآکھنڑ ہاجو شیخ ایاز آپدی دھرتی تے آپدی عوام نال جڑے ہوئےہن ۔ شاہ عبد اللطیف بھٹائی اتےسچل سرمست دے بعد او سندھی زبان دے سب توں وڈے شاعر ہن۔ پاکستانی ادب دی مجموعی شناخت فیض ، شیخ ایاز، گل خان نصیر، اجمل خٹک، جانباز جتوئی اتے استاد دامن دے بغیر نامکمل اے۔ تاج جویوآکھئے جو شیخ ایاز ماضی تے حال دے ترجمان اتے مستقبل دے نقیب شاعر ہن۔ انھاں سندھی دی کلاسیکی شاعری دا احیاء کیتا ۔ انھاں قدیم اصناف کوں جدید اصناف اچ بدل ڈتا ہا ۔ انھاں دنیا دی شاعری دی اصناف توں آپدی زبان دی شاعری کوں وسعت بخشی۔ ڈاکٹر یوسف خشک، چیئرمین، اکادمی ادبیات پاکستان داآکھنڑ ہا جو شیخ ایاز  آپدے فکر تےفن اتےادبی سرمایہ نال سندھی ادب کوں ثروت مند بنڑایا ۔ انھاں دا آکھنڑ ہا جوشیخ ایاز بجا طور تے سندھی ادب کیتے راہ ساز ادیب دا کردار ادا کیتا۔ انھاں دی مجموعی تخلیقات پسےہوئے طبقات اتے اعلیٰ انسانی اقدار دی بھر پور ترجمانی کریندی اے ۔ انھاں آکھئے جواساڈی  مجموعی ادبی تاریخ شیخ ایاز دے تذکرے دے بغیر نامکمل اے۔ چیئرمین اکادمی ، ڈاکٹر یوسف خشک بیا آکھئے جو اکادمی ادبیات دے اشاعتی سلسلے پاکستانی ادب دے معمار دے تحت شائع کردہ کتاب” شیخ ایاز شخصیت اور فن “معروف محقق ڈاکٹر انور فگار ھکڑو لکھی اے ۔ ایندا پہلا ایڈیشن 2006اچ چھپیا۔ شائقین ادب دے اصرار تے ایندا ڈوجھا ایڈیشن ترامیم تے ودھارے نال ڈوجھی واری چھپیا جیندی تدوین دا کم فیاض لطیف چانڈیو کیتا اے ۔ اے کتاب اکادمی اچ دستیاب اے۔ فاطمہ حسن آکھیا جو شیخ ایازدی شاعری روایت دا سفر کریندے  ہوئےعصری شعری تقاضیاں کوں وی پورا کریندی اے۔ سندھی استاداں دے  اعلانیاں دے میں انھاں  دی نثری نظماں دے تراجم کیتن ۔ شیخ ایاز دی شاعری دے پھیلاﺅ اچ عہد حاضر دیاں وسعتاں کوں سمیٹ گھندی اے ۔ مدد علی سندھی دا آکھنڑ ہا جو شیخ ایاز نہ صرف سندھی دے وڈے شاعرہن  جڈاں جواردو ادب اچ وی ہک نشابرجاء رکھدے ہن ۔ پاکستانی ادب دی جنھاں لوکاں  خدمت کیتی اے اتے حقوق آزادی کیتے اوکھ  برداشت کیتن انھاں اچ  دا شیخ ایاز دا ناں اے ۔ ادل سومرو آکھیا جو شیخ ایاز  آفاقی شاعری دی وجہ توں  ہر دور اچ مشہور ریہے تے رہسن ۔ وقت دے نال نال انھاں دی شاعری دی نویاں  فکری جہتاں  ظاہر تھیسن۔ ایاز گل آکھیا جو شیخ ایاز صدیوں دے شاعر ہیں۔ انھاں دی فکر تےفن دے  اثرات کئی مدھ تئیں رہسن ۔ او سندھی زبان دے باکمال شاعر ہن۔