اسلام آباد۔ 14 ستمبر(اے پی پی)لبنان دے وزیرِ داخلہ و بلدیات احمد الحجار وزیراعظم محمد شہباز شریف نال ملین۔ نائب وزیراعظم و وزیرِ خارجہ محمد اسحاق ڈار، وزیرِ داخلہ سید محسن رضا نقوی، وزیرِ ہاؤسنگ ریاض حسین پیرزادہ اتے وزیرِ مملکت برائے داخلہ طلال چوہدری وی ایں موقع تے موجود ہن۔ وزیراعظم لبنانی وزیرِ داخلہ دا خیرمقدم کریندے ݙوہائیں ملکاں دے دیرینہ برادرانہ تعلقات دی اہمیت تے زور ݙتا۔ انہاں …
لبنان دے وزیرِ داخلہ و بلدیات احمد الحجار دی وزیراعظم محمد شہباز شریف نال ملاقات
مزید خبراں
اسلام آباد۔ 14 ستمبر(اے پی پی)لبنان دے وزیرِ داخلہ و بلدیات احمد الحجار وزیراعظم محمد شہباز شریف نال ملین۔ نائب وزیراعظم و وزیرِ خارجہ محمد اسحاق ڈار، وزیرِ داخلہ سید محسن رضا نقوی، وزیرِ ہاؤسنگ ریاض حسین پیرزادہ اتے وزیرِ مملکت برائے داخلہ طلال چوہدری وی ایں موقع تے موجود ہن۔ وزیراعظم لبنانی وزیرِ داخلہ دا خیرمقدم کریندے ݙوہائیں ملکاں دے دیرینہ برادرانہ تعلقات دی اہمیت تے زور ݙتا۔ انہاں لبنانی قیادت کیتے نیک خواہشات پچایاں۔ ملاقات اچ پاکستان اتے لبنان دے ݙو طرفہ تعلقات تے باہمی تعاون دا جائزہ گھدا ڳیا۔ فریقین داخلی امور اتے سکیورٹی دے شعبیاں اچ ودھدے تعاون تے اطمینان کیتے۔ وزیراعظم شہباز شریف لبنان دے خلاف اسرائیلی جارحیت دی شدید ترین الفاظ اچ مذمت کیتی۔ انہاں اسرائیلی حملیاں اچ قیمتی انسانی جاناں اتے املاک دے نقصان تے ہمدردی اتے افسوس کیتے۔ وزیراعظم اوکھے ویلھے اچ پاکستانی حکومت اتے عوام ولوں لبنانی قیادت اتے عوام نال یکجہتی ݙکھاوݨ دا عزم دوہرایا۔ انہاں لبنان دی خودمختاری اتے علاقائی سالمیت کیتے پاکستان دی مستقل حمایت دا وی یقین ݙیوایا۔ لبنانی وزیرِ داخلہ وزیراعظم ولوں پرتپاک استقبال تے شکریہ ادا کیتا اتے پاکستان نال ݙو طرفہ تعاون ٻیا ودھاوݨ کیتے لبنان دا عزم ݙسایا۔ بعد اچ وزیراعظم پاکستان اتے لبنان وچال سزا یافتہ لوکاں دی منتقلی بارے مفاہمتی یادداشت تے دستخط دی تقریب اچ وی شرکت کیتی۔ ایں مفاہمتی یادداشت تے پاکستان اتے لبنان دے متعلقہ وزرائے داخلہ دستخط کیتن۔ ایں مفاہمتی یادداشت دے تحت سزا یافتہ شہریاں کوں اپݨی باقی رہ ونڄݨ آلی سزا اپݨے ملک اچ مکمل کرݨ کیتے قانونی طریقہ کار ݙتا ڳئے۔
